أنت على الهواء

المشاركة الأصلية كتبت بواسطة ذات الشان

السلام عليكم
موضوع رائع وجميل بضيوفه ومشاركات الاعضاء واسئلتهم

صالح ال سلمان

الله يعوضك خير لو انا مكانك اظن يجيني نوبه قلبيه

لكن ترا الهنود اذا سووا فرمته للجهاز دائما يحفظون الملفات على الc ويفرمتون الجهاز عادي والمفات تبقى مثل ماهي ان شا الله يكون الهندي اللي وديت جهازك عنده انتبه وحفظ الملفات ويبقى انك تبشرنا

هلا بام فارس وكل عام وانت الى الله اقرب
كلامك صحيح والرجال والله انه طلع راعي اصل وسألني قبل الفرمته
وقال احفظ لك الملفات قلت اني قد امنتها في البيت( سلة المهملات)
يا ويل حالي كل ما تذكرته انه عرض علي وانا رفضت
وش كان خسرت لو اني قلت احفظ والله لا بيزيد ولا ينقص مني شي
المهم اني سأعاني لمدة خمس سنوات من هذه الخطوة الفاشله في حياتي
فهي حصيلة 5 سنوات
ولو رجعت صدقوني اني لاذبح خروف في المخيم
واعزم جميع الاعضاء واوصفهم باستراحات بعيدة عن المخيم
لين ابرد غشي في الخروف ام اعلمهم بمكان المخيم
ولو اني عارف ان هناك اعضاء عارفين المخيم اكثر مني لكثرة طلعاتهم فيه
واما البشاره يا وم فارس والله ما هناك بشارة من الحين
بس الامل في الله كبير لاني سامع ان هناك برنامج يعيد كل شي حتى بعد الفرمته
اشكر لك مرورك الكريم
ابو عبدالله