أعطوني الحل ومن في شاكلتي

بسم الله
اولا الله يكفينا شرهم ولايورينا منهم مانكره
ثانيا
اذا كانت راعية البيت دلخه والا مسلمه الخيط والمخيط للشغاله فنتوقع اي شي
لما تجي راعية البيت وتحمل وتولد وتسلم البيبي للشغاله رضعيه روشيه اكليه نوميه قومي به سوي له لعبيه وديه ( دورة المياه) خليه يلعب في الالعاب وانتبهي له
ووفوووق هذا كله غسلي المواعين ونظفي البيت وكنسي المداخل وامسحي الطيق واكوي الثياب وقطعي البصل ونظفي الخضار واطبخي الغدا وسوي الشاهي ورتبي الجدول للي يروح المدرسه
واعطي ابوهم قهوته وشاهيه وجهزي له قعدته

والله يحصل
واذا بكا الطفل والا قصرت في شي ماتسمعها الا كلمات من طراز (ياخبله 00ياهبلا 00ياغبيه00الله يقطعك ويقطع من جابك ياحيوانه و000و000 كمل الباقي زي متبغى

زيد عليها اختلاف اللهجات تكون تعرف لهجة حجازيه مثلا وتروح عندعايله من الرياض والا اي مكان ويبغونها تفهم اش يقولون

يرفعون ضغطهم وهم ساكتين ولا يبان عليهم اي تعبير لكنهم يكونون من جوه مثل البراكين
واذا قربوا يروحون باعوها بتراب ونكبوا اللي عندهم نكبه مالها اول من آخر

هذا مايمنع ان بعضهم مجرمات بالفطره لكن لابد ان تكون عيون اهل البيت عليهم ولابد ان يبان عليهم شي غير طبيعي
مايقولون خلوها تخلص السنتين علشان مايخسرون قيمة الفيزا وتكون النتيجه مصيبه ماصارت ولا استوت
اذا عاملوها بانسانيه وراعو الله فيها واعطوها راتبها وطيبوا خاطرها بهدايا في المناسبات وخففوا عنها اعباء الشغل وخلوا لها الشغل الاساسي اللي جت علشانه
وبعدها يفتحون عيونهم عليها لايتركونها مع الولد واذا انحرف يقولون ليه
ولا يتركونها مع البنت واذا خربت يقومون يصيحون
هي مهما كان بشر وغريبه وماندري من اي بيئه جات







انا الوم اي اسره يحصل عندهم مصيبه من الشغاله او السواق قبل ما الوم العماله
لان احنا اللي اعطيناهم الضوء الاخضر انهم يسيئون لنا


طولت ؟


اكيد
لذلك اتوقف هنا
ودمتم في خير