ماهي ردة فعلك ايها المواطن؟

موقفها رائع وجدعه مثل مايقولون
اللي ودي اعرفه 00اش سوا ولدها ؟
اكيد انه انقهر وزعل وقال مالنا دخل وفشلتينا وتلاقينه طول الطريق مخنفر

عندنا الحريم لهم مواقف جباره وممكن تسوي شي مايسوونه عشره رجال مواقف شجاعه وبطوله وممكن تروح فيها لكن مايردها الا رفيق الطريق اذا صاح علها والا رفض تصرفها والا ماساعدها عليه
يعني هذي الحرمه يوم نزلت وشالت البرميل ليه ماقالت لولدها يشيله ؟
اعتقد انها قالت له وهو قال لا ماني نازل او مالي دخل
فهي نزلت وشالته ولا نزل هو لانه رافض الفكره اساسا


النعيم

شفت مره رجل مسن ومريض جدا داخل المستشفى ومعاه شاب نزله من السياره وخلاه ودخل المستشفى يجيب له عربيه
الشايب يترنح ويرجف وهو يمشي ورغم وجود عدد من الرجال حواليه والله مافيهم من قام يسنده والا يساعده الين يوصل ولده
مين اللي قام بهذي المهمه ؟
حرمه من اللي كانوا ينتظرون فزت وراحت مسكت الرجال من ذراعه وساعدته على المشي الين وصل ولده


كثيره هي المواقف اللي تكون فيها المراه سيدة الموقف بلا منازع


يعطيك العافيه اختي الكريمه وكثر الله من امثال هذه المراه