ابيات الى قبيلة بني عمرو

صح لسانك

يالمطيري

وسلمت يا حسن بن مسفر

رداً على الأبيات المهداة من الأخ المطيري ضيف بني عمرو فقد وصلني من الأخ محمد العمري الأبيات التالية ويسرني إهداءها للمنتدى ولزواره الفضلاء مع تقديري للجميع00،،
أهلاً هلا من طيب خاطر ونية
بك يامسلم بين ربعك والأخوان
ترحيب صادق من نفوس ٍ رضية
يغشى المطيري من الصداوي لباضان
مثل المزون بوسمي العقربية
تروي مفالي دارنا تاج الأوطان
يامرحبا بأهل الحظوظ العلية
ربع الدويش أبطال في كل ميدان
ياللي صنايعكم وضاح ٍ جلية
في الدبدبة يوم الوغى فعلكم بان
رديتوا الطاغي وراع الخطية
لا والله إلا عود النذل خسران
واحنا مثلكم بالشجاعة سوية
ميقافنا مع دولة الترك برهان
واليوم ولت فترة الجاهلية
الله لايرجع زمان لها كان
الرب واحد والمعيشة هنية
والحكم لآل سعود ساسه كحيلان
وأحنا خُوان ورابطتنا قوية
ماظني أقوى من عرى صدق الإيمان
يالله ياعالم خفايا الطوية
تكفي بلادي كل ناوي بعدوان
وأجعل محبتنا لوجهك نقية
نرقى بها الفردوس الأعلى يامنان
وسلامتكم 000000،،،،،،

هلا وغلا بالمطيري أبيات جميله ورائعة صح لسانك