مـلاعب النساء والمشجعات السعوديات !

المشاركة الأصلية كتبت بواسطة ذات الشان

اوووه لا لا جرحت كبريائي

انا اتكلم عن مجتمعي والناس اللي حولي
عايشت اهل جده ومكه والرياض وعشت حتى في امريكا
شفت من كل نوع
اذا كنت شفت وحده ممكن تمشي بدون ثياب فانا ولله الحمد ماشفت
ولذلك استغرب منك انك مصر على ان السعوديات سيئات وانهم اخوات ابليس

اي نعم فيهم سيئات لكن لهم اماكنهم ولاني احترم نفسي وقبيلتي التي انتمي لها وبلدي اللي يهمني اسمها فانا اكتفي بما تجبرني عليه ظروف الحياه من معايشتهم ولا اخالطهم ولا اعرف مايدور خلف الجدران

كل ما تكلمت عنه هو مايدور في العلن
وياعساك تفهم وتدرك المعنى اللي بين السطور لاني ادري انك ذكي ولقطها وهي طايره

أنا على فكرة لا أنتصر للسيئات

والسعوديات مو خويات أبليس ..

أكيد في ناس أشرف من الشرف .. مثلك وشرواك

أنا اللي أنتقده الإصرار على أن السعوديات الأصل والفصل بنات الحمولة منزهات عن أي تصرف وكأنهم مخلوقات من نور

ما أتمنى أن يدركه الجميع هو أن هذا هو الواقع .. لازم نتقبله ونعالجه

مو نقول لا ماعلينا ترى ماهم سعوديات والسعوديات بنات القبايل ما يشجعون ولا يسهرون .. ولا يرقمون .. ولا يطلعون مع شباب .. و لا يعرفون شيء مساكين ..

وبعدين يكتشف إن بنته المراهقة أبو 16 سنة مع خويها في الملحق ...!!

أعتذر بشدّة عن هالكلام .. بس والله هذي الحقيقة .. ولازم نبتعد عن التفكير بهذه الطريقة عشان نحفظ بناتنا ..

ولو كانت التربية في البيت .. ممتازة .. زميلات البنت .. والمدرسة والمجتمع أكيد بيأثر ..

عشان كذا .. التنبه .. وحل المشاكل .. وعدم التجاهل .. هو الطريق الوحيد للخروج من أي مأزق ..