تعدد الزوجات في حوار هادئ

المشاركة الأصلية كتبت بواسطة عذب السجايا

ذااات الشان الله يهديك وش ذا الكلام والله جبتي
العيد وما كنت اتوقعك كذا ههههههههههههههه
كاش لازم كاش وااااااااااو منك انتي

لا وطبلها واحد اليوم في الجريده
في نجران عمره ميه وتزوج وحده
تحت العشرين فسري لنا هذي بعد
ياذات الشان

اخي عذب السجايا
امرأه عامله مستقله ماديا مرتاحه نفسيا متوفر لها كل شي المنصب والمال والمركز الاجتماعي
تحتاج الى رجل في حياتها
لان الرجل ضروري في تصريف امور كثيره لبعض النساء خاصة في السفر والوكالات
امراه بهذه المواصفات تتزوج فراش مدرستها وهو اكيد شايب تعبان في حياته وغالبا متزوج ثنتين وعنده اكثر من دستة بزران قول انت بالمنطق وش تبغا فيه ؟
وش ترجي من وراه ؟
اكثر من انه يكون واجهه لها اسم انها متزوجه
وتقدر تسافر وتروح وتجي ولاتتعرض لاي مساءله ولا انتقاد من الناس


اظن ان الموقف واضح
مديرة مدرسه متقاعده مافيها شي يطمع فيه اي رجال تعيش في بيوت اخوانها وماعادت تقدر عليهم
ولاهم يقدرون عليها
فجأه تزوجت واحد عاطل عمره 28 سنه يعني بنص عمرها تقريبا وعاشت في بيت مستقل والسياره باسمها والسواق والبيت والخدامه باختصار كل شي بفلوسها حتى زوج الست


عسكري راتبه لو ضربته الحمى مايتعدى 3 الاف وعمره فوق الخمسين ومتزوج 3 مدرسات الصغيره فيهم تجاوزت الثلاثين
برضه بالمنطق وش يبغون فيه ؟
من غرابة هذي القصص الواحد مايقدر يستوعبها

اما الشايب ابو تسعين سنه
فهذا اكبر دليل على ان المراه مسكينه مسكينه مسكينه
بالله تتوقع ان البنت وافقت (او دريت اساسا انها رح تتزوجه) علشان توافق او ترفض


كنت حاضره عند ناس من عينة هذا الشايب و الاب نادى الام وانا اسمع وقال لها وين بنتك فلانه
قالت هي تلعب مع خوياتها (13 سنه)
قال تراني املكت لها على فلان وفلان هذا شايب اكبر من ابوها عرفنا بعدين انه زواج عل طريقة هذي بنتي جاتك هديه
والبنت مالها الا الخضوع وقبول الامر لانها في نظرهم (مجرد مره )

شكراً اخي الداهيه على الايضاح لمن لم يرى يمكن شاشاتهم ( 10 ) بوصه

وشكراً ذات الشان على الترحيب ولاهي اول مره ترحبين فيني ( افهم يافهيم )

والاسلوب الحلوا حلوا

وعلى طاري سالفت البنت اللي عمرها ( 13 ) سنه

قالي واحد من الشباب يشتغل في دار الاحداث عندهم طفل عمره ( 9 ) سنوات
قلت : وش مسوي هذا من جريه ؟
قال: قاتل ابوه اللي عمره (70) سنه .
قلت : وش الحكم عليه ؟
قال : ماحكموا عليه حكموا على امه اللي كان عمرها ( 19 ) محرضته على قتل زوجها وحكموا عليها بالقصاص .

فاحذروا يابنات واحذروا يااباء
ــــــــــــــــــــــــــــــــــــــــــــــــــ ــــــــــــــــــــــــــــــــــ

انتظر التنفيذ ياصدام