تـــحــــدتــــه الأيـــــام للشاعر حامد العمري

المشاركة الأصلية كتبت بواسطة الغراني

قصيدة للشاعر حامد العمري رحمه الله

(((( تـــحــــدتــــه الأيـــــــــــام))))

ياويل من عمـر تحـداه لايـام= وتلاحقـه منذوطفولـة شبابـه
عشرين عام يعيشهايزرع احلام= ويقطف ربيع العمر ساعة بدابـه
وفي الأربعين يسيررجال ضرغام= لكن يـرى الدنياانفيهاانقلابـه
وستين عام يعودالى تلهام= ساعة يشوف الـراس فاقـد خضابـه
وثمانين عام فوق مشعاب عوام= ويقل منه الشوف كوديـرى بـه
وفي المئه بمن يعينـه اذاقـام= ويسيـر فاقـد قوتـه والصلابـه
وان زاد له عشرين ياشين لمقام= قديزهـدون صحبتـه والقرابـه
ويصبح حبيس الدار مشلول لاقدام= رهن الفراش ولا يطيق انقلابه
ماعاد يذكر لاصلاة ولا صيام =ولا عاد يذكـر زاده ولا شرابـه
وتحس له نغمات من شين الانغام= تسمعه وسط الدار مثل الربابه
مثل الذي نايم بغيبوبة احلام= ماهو بعـارف فيـن فاقـد صوابـه
يالله يارحمن ياخير رحام= الموت عـن بعـض المواقـف هلابـه

فالكم الطيب

----------------------------------------------------------------------------------------------------------------------------------------------------------------------------

رحم الله شاعر بني عمرو الاول
وجزاك الله الف خير اخونــــــا
الغـــــــراني
والواجب منّا جميعا ان نراجع
ما خلده المبدعون مثل المرحوم
باذن الله الشاعر حامد وامثاله
اخوك
الســــــاااري