إهانة تركي المطيري

للتوضيـــح فــقــــط بـعـد اذن اخوي الغرانـي

الحفل عند عتيبه والقرقـاح والمطيري من الشعراء البارزيـن في القلطـه
بدايــــة السالفـــه أن القرقــــاح قال في الموال ////

يا عتيبة ساعدوا ضيفكم بالصف ساعـه=
كان صف مطير واثق شراء تركي ماباعه=

فما كــان من تركي الميزاني في ردهـ الا أن قال ////

صفنا ثابت من الوقت الأول يا اقحطاني=
وين ربعك يوم علقت في العتبان عاني=

بعدهـا قام المتواجديــن من ابناء قبيلة قحطان بعد سماع رد الميزاني وكونوا صف
كبير جــــــــداً لدرجــــة أن تركـي الميزانـي ((تركي 2000)) كـــان يقول /////

يالربع والله مدري وين الصفوف الدعوى ملعبـه......يالربع وسعوا خلونا نشوف الصف ونلعب له

ثم كـــان رد القرقــاح وذلك الموقـف القوي والمؤثـر بعدما شاهـد ابناء قبيلتـه في الصف
قال في ردهـ//////

اذكـر العتبان في حفلهم والشك زايــل=
والله ان أنطل شماغي لهم والراس طايل =

((رميت الشماغ لأبناء قبيلة الشاعر فــلاح بعد ما شافهم كونوا الصف وليس لعتيبه ))

بعدهـــا اتجه ابناء قبيلة فلاح وقامـوا برفـعـه فوق اعناقهم إلى أن أوصلوه سيارتـه


وفي النهايـه يبقى فلاح القرقاح وتركي الميزاني شعراء كبار ولهم وزنهم في ميادين المحاورهـ
هذي السالفـــه بإختصار شديد وسلاامتكم
وأعتذر عن مداخلتي ولكن حبيت ابين القصـه لمن لا يعرفـهـا
تقبلوا أطيب التحايـــــــــا

عذراً تنسيـق الأبيات لم يعمل بالشكل المطلوب
لذا ظهرت الأبيات ناقصه في ردي سابقاً

يا عتيبة ساعدوا ضيفكم بالصف ساعـه=انتوا أهل المآقف اللي يشرف والشجاعـه
كان صف مطير واثق شراء تركي ماباعه=ولعوها نار والنار من شبابها

صفنا ثابت من الوقت الأول يا اقحطاني=تدري ان اصفوفنا ما يغيرها الزماني
وين ربعك يوم علقت في العتبان عاني=ولعوها نار والنار من شبابها

اترك العتبان في حفلهم والشك زايــل=وان دعيت دروع جنبي يسوون الهوايل
والله ان أنطل شماغي لهم والراس طايل =ولعوها نار والنار من شبابها

السالفه ذكرت سابقاً