؛؛؛؛؛؛ ــ هـديـتـي الى أبــو فـــــارس ـــ ؛؛؛؛؛؛

هذه القصيده كتبتها في الأخ العزيز / سلطان بن مرعي بن فارس العمري 0 ولها موقف لا يفعله إلا الكريم والأجودي من الناس وليس بغريب على هذا الرجل 0

يالله ياللّي تسبّح لك جميع الـوحــــــوش= لكن الناس ما تسمع لـتـسـّبـيـحــــــــــها
وانت يارب عرشك فوق كُل العـــــروش= وانت بيدك تعـنّي النفس وتــريـحـــــــــها
أطلبك رحمتك من قبل صفط الرّمـُــــوش= وقبل ما تفقد الحاجات تـصـحـيـحـــــــــها
عندما أصير في الأكفان فوق النّعــــوش= لحظةٍ جارحه ويبين تـجــريـحــــــــــــــها
واكفنا ياعظم الشآن شـرّ الـدشـــــــوش= اللّي تـبـدي لـنـا الـعـورات وتـبـيـحــــــها
قُـلـتها يـوم فكري مـا بـعـد دار بـــــوش= والـقـصـايـد أعـالـجـهـا بـتـلـقـيـحــــــــها
بعدها ارسل سلامٍ صدق ما به غشــوش= صافيٍ من صفاء النّيه بـتـصـريـحـــــــــها
مثل ريح الورود وريحة الـبـرّدقــــــوش= ومثل ريحتك يالكادي مع شِــيـحــــــــــــها
عـدّ ما يكتبون وينّقش من نـقـــــــــوش= وعدّ ما في الصحف تُكتب تصاريحـــــــــها
ياصلك يا ابو فارس يابو وجه بَشَــوش= انت رجل الكرامه فيك تـوضـيـحـــــــــــــها
ما يهمك مع أهل الجود صرف القروش= واشهد انك كريم ومن طـحـاطـيـحــــــــــها
لو ترشّحت انا أرشحك قائد جــيــــوش= وانت في المعركه تعرف مـفـاتـيحــــــــــها
ما وصل مستواك الاّ نجاشي الحبــوش= يوم قابل قُريش وعرف تـلـمـيـحــــــــــــها

هديتك جميله ياغرمــــــــــــــان
تستاهل
الاشاده
ويستاهل
ابو فارس
تقبل ارق التحايا من اخــــــوك
الساااااااااري

غرمان بن عزيز

صـح لساانـــــــك
واله يعطيك العافيــــــــه
قصيـــدة جزله من شاعر جزل ومبدع
ويستاهـــل سلطان بن مرعي بن فارس العمري
تقبل أطيب التحايـــا

أخي العزيز / الساري شكراً لك على هذا التعليق اللطيف في هذا الموضوع وغيره وشكراً على مرورك الطيب 0 تقبل تحياتي 0

الاخ العزيز / سيف العرب أشكرك على المرور الجميل والكلام الطيب وعساك تسلم 0