(((عندي ســــالفه معها تجرّ أسبــــاب )))

مرحبا مليون في مليون وما يكفون
والمعذرة على التأخير لظروف خارجة عن الارادة
والمطاليق عذارة.

البدع / مرضي العمري=
ياوجيه الخير عندي سالفه معهـا تجـرّ أسبـاب =
قدّر الله رحت للمقناص وأرض القنص لأول مـرّه=
قلت بآ شـوف الطبيعـه وآتمشّـى فـي حلالنـا=
شدّني حوم الصقور وكل صقـر ملتبـس بقناعـه=
واللي حيرني تـدور الصيـد معصوبـه ومقنعـه =
قلت يا أصحاب الصقور آظن ساعات الهدد ما تقنع =
علمونـي عـن طرايقهـا وبأسبـاب إقتناعـهـا=
قالوا إن صقورنا تآكل بعضها لو تزيح المعصـب=
ولقينـا أفضـل طريقـه تـرك عينيهـا معصّبـه =
قلت ماهو بحل جذري قالوا إنها أصبحت معتـاده =
صيدها تخبيط عشواء حتـى لـو تفتـح عيونهـا =
قلت مشّوها على غيري فأنا لي نظرتي وإبداعـي=
تحسبـون عقولنـا قطعـة بطاطـس تقتلونـهـا =

الرد / كمال العمري=
كل كلمة طيبة ومثمنه وشبك تجر اسباب=
انا عمري وانت من ربعي وتنحسبني من ابني مره=
والله انك مثل الاعمى يوم حرم في حلالنا=
العاقل يقنعه عاقل والجاهل من يكتفل بقناعه=
الصعيدي لو عطيته مصر مرضيته ومقنعه=
القناعه كنز دايم لكن اصحاب الطمع ماتقنع=
وانته ادري ليش تنشدني عن اسباب اقتناعها=
ارفق بروحك على مهلك ولا تحمق معي وتعصب=
وارقبوني واشهدوا كيف اطحن الروس المعصبة=
الشجاع ابن الوليد يقود جيش بعدته واعتاده=
ياكل الحاسد تراب ارضه ويرجا ماء عيونها=
يابطل حندر براسك وارفع البيظا وجاوب داعي=
موهبة دندون ماهي من مواهب تقتلونها=

تحيــــــــــــاتي