اســـرا ر.. بـقـلـوبـكـم...اسمحو..لي افشيهاا..!!

المشاركة الأصلية كتبت بواسطة ذات الشان

[قمرااي
رائعه في كل شي
مواضيعك ايضا رائعه مثلك
انتي دخلتي عرين الاسد بهذين السرين وحتى اللي تكلموا وردو عليك ردو بتحفظ شديد وداروا من بعيد لبعيد
انا رح ادخل العرين معك ولكن رح اختلف عنك لاني رح اضرب الاسد على راسه
قمرااي
لكل مجتمع طبايعه المعروفين فيها ويشتهرون بها بشده
ومعروف عن اهل الجنوب غيرتهم الشديده وغير المبرره احيانا
في كثير من الاحيان نشوف رجل يمشي امام زوجته ولا حظي امام ويسير الهوينا بخطا ثابته راسه مرفوع وعيونه مثل عيون الصقر
زوجته لابسه العبايه على الراس (ماهو عيب) ولابسه القفازات (غصب عنها) وغطاها عشر طبقات (برضه غصب عنها ) وتمشي منكسه راسها وعيونها في مكان رجلين زوجها
مسموح له يناظر في بنات الناس (هو اعطى نفسه الحق هذا )
يشوف مرت فلان (الله يخذله) ومرت علان ( والله مايستاهلها)
مسموح له يتباسط في الحديث مع الممرضه والدكتوره
مسموح له يدخل النت ويسبح في الشات ويكتب في المنتديات ويضيف عالمسنجر ويسوي كل مابداله
ليسبب واحد بس
انه رجل
مايرضى لزوجته تكلم البايع
ولاتقول للدكتور اش يوجعها
ولاترفع الغطا عن عينها علشان تشوف اش اختار لها زوجها في السوق
ولا يسمح لها بدخول النت
وياويلها وياظلام ليلها لو فكرت بس انها تدخل الشات حتى لو من باب الفضول وحب الاستطلاع
وعاد ثالثة الاثافي لو كتبت في المنتديات وفي منتدى يعرف ان فيه واحد يعرفه ولو كان مسجل زائر وبس
ليه علشان لايعرف ان مرته تكتب في المنتدى
كثيرات عندهم خلفيه ثقافيه واسعه وعندها الامكانيه لان تكون كاتبه مبدعه
في داخلها طاقات كامنه هائله
كثيرات مبدعات في مجالات عديده
لكن غير مسموح لاي منهم انها تظهر موهيتها علشان لايعرفون انها مرت فلان او بنت فلان
ومعهم حق لانهم يعرفون انهم اذا عرفوا من هي مارح يمررون الموضوع بسهوله
تريقه وتحطيم وشماته
واهم من هذا كله معايره
ويعيرون حتى العيال الصغار انك ولد فلانه وكانها سوت فضيحه كبيره
افضل شي ان الوحده تكتب بالسر لا احد يعرف من هي حتى المقربين منها حتى لاتفلت كلمه من احد وتصير مشكله
يمكن تتساءلون عني
انا ماشيه جنب الحيط ما احد يعرف انا مين واكتب وامر على اسامي اعرف من هي له وكاني ما اعرفها واعيش في السيف سايد
اكتب وادخل المنتديات ولا اعرض نفسي ولاغيري للاذى
بقي اقول
ان الكثيرين ياخذون فكره عن النساء في المنتديات انهم سيئات لان بداية دخول الرجل والمراه على حد سواء للنت كانت لاغراض غير سليمه
لكن الايام غيرت المفاهيم واصبح الانترنت وسيله ثقافيه بالغة الاهميه
لكل شخص فيها مايريد
والكل يعلم اين يجد الفاسدات الراغبات في كل شر
ويعلم اين يجد الحوار والهادف والمعلومه المفيده

السر الثاني
واحد من الاف الاسرار وفيه اللي يدور ببالي وودي مثلك اكشف الغطا عنه
لكن اعرف انه رح يوجع اكثر مما يفيد
لذلك اتركه الين يجي احد ويرفع عنه
طرف الغطا وانا اكمل معه
ولذلك اقول
ربما تغلب صفه على قبيله معينه بسبب شهره واسعه نالها شخص او عدة اشخاص من هذي القبيله اتصفوا بهذي الصفه
ونسمع دايما عن اشتهار قبيله بالبخل مثلا او بالغباء
وهذي طبعا كلها مبالغه لان لايمكن يكون جميع افراد القبيله لهم نفس الصفات
وليس الجميع سيئين ولا ممتازين لابد ان يختلط الامر بين هؤلاء وهولاء
ولاتنسين النكت اللي طلعت على الصعايده في مصر قد ايش مضحكه للي يسمعها واكيد مؤلمه لاهلها
والكل يعرف ان غالبية اعظم رجال مصر في العلم والادب والسياسه اصلهم من الصعيد
الدور الان على الجيل الجديد اللي يجب انه يغير هذي المفاهيم القديمه ويخرج من عقليات الشيبان وتفكيرهم اللي يتناسب مع الزمن اللي عاشوه بكل سلبياته
وايجابياته
لازم نغير حكاية هذا من ال فلان وذاك مدري من وين ونترك الدخول في خصوصيات البشر اللي مايعلمها الارب العالمين
قمرااي
تعبت من الكتابه وطولت اكيد بس ان شا الله يكون بفايده
دمتي في خير

اختي وحبيبة قلبي... ذات الشأن..

صح طولتي علي..وتعبت وانا اقرا.. بس تمنيت انك.. تكتيبن كمان وكمان..لانك لا تذكري الا حقائق..
لا يريد الاغلبيه ظهورها..
وانا قلت اسرار ولم اذكر منها غير اثنين ..ولم اجد التعليق الشافي الى الان..
فكيف لو افشيت.. كل الاسرار..
...
لكن مادامك..تسانديني.. فالحمد لله..
ان هناك من تفكر مثلي..ولا يقتصر هذا التفكير علي وحدي..
لاني بالبدايه ندمت بصراحه لتنزيلي الموضوع لكن قررت ان.. اناقشه مهما كانت الردود..

وعن ما ذكرتيه.. عن الازواج.. وعيون الصقر وحلال عليه حرام عليها..
والغطاء طبقات..
والله يااااختي.. ما كذبتي.. المشكله ان اغلب من يفعلون ذلك ليس.. لان ذالك شرع الله الا لانه.. لا يغض بصره هو عن محارم الناس.. فيعتقد ان كل الرجاااال مثله... وما اكثرهم..هذه النوعيه..

تصدقين بالله احدى معارفي.. تحلف بالله انه لا يتركها تنزل للسوق.. يعني يتعنى ويوديها.. بس بشرط!!
تخيلي وشو....
انها ما تنزل.. وهويروح يجيبلها كل شوي حاجه اي لبسه.. وتختار ما يهمه انه رايح جاي كل شوي ..بس اهم شي ما تنزل!!!!!!!!!!
قمت التخلف... والتحجر..
لا وازيدك من الشعر بيت.. مره.. تكرم ونزلها.. ويوم انها التفتت اعجبها لبسه.. جاها كف طاااااااااير..
قال ايش .. ليش تناظرين في اليماني!!!!
بعدين كم ضربه بالسياره..
وكمل باقي التكفيخ بالبيت...!!!
والله شي يضحك ويبكي..
الواحد يوم يجي يخطب تقولين بسه مغمضه.. ولا يطلع شره الابعد شهر او اقل..


اما بالنسبه ان من يريد الفاسدات فمعروف مكانهم.. بالعكس ياعزيزتي.. الان لم يعد يعجبهم ذالك.. بل يريدون ان يغتصبوا البرائه..ويتصنعونها لانفسهم...
ويبحثون عن اقلهن خبره.. بهذه الامور.. حتى تكون نشوة الانتصار لديه.. في اوجهااا..
.....................

وانتي الصادقه اختي بعضهم لديها موهبة الشعر..
لديها موهبة الكتابه..الروايه...
لكن لا اعرف..لما لا تقدر هذه المواهب..
بالعكس انا اشوف البنات لما يتزوجون... يجمعون كل ذكرياتهم وكتاباتهم القديمه..وقصصهم واشعاره...
ولا يكون مصيرها الا الحرق..
خوفا من شماتة الزوج.. او غضبه.. او اعتقاده بانها كتبت هذه الاشياء بسبب علاقات سابقه لهااا...

..
بالنسبه للسر الثاني..
فاصبحت اؤمن.. بانها.. ثوابت.. لاغنى عنها على مداااااار السنين.. مهما تطورت الاجيال..
الا ان الاعتقادات الراسخه تبقى كما هي..

الف الف شكر لك... ولصراحتك ولتعليقك..
حمستيني بعد ما فقدت الامل..
يعطيك الف عااافيه