مختارات من قصائد سعيد بن ذياب

وهذه قصيدة بعنوان:

( ياقلـــم خــط )

يا قلم خط المعاني السمان وفلّها=فلّها بين النشاما عسى يقرونها
فلّها مهما يكن كثرها من قلها=ربما متذوقين الشعر يوحونها
رابعة لانيب أخوها ولا عمّ لها=أنا خو من صلّبوها على عرجونها
ما تخيّلت أمنيات السراب وظلها=ما عشقت إلاّ الحقايق وهزّ غصونها
مامشيت على طريق وأنا ما أدلها=إلاّ عندي علم واش بعدها واش دونها
من يهرفل خطوته للتلف ويتلها=ما بقى له فرصة للنجا من كونها
النجا في طاعة الله يا ساع(ن) لها=والله ما خيّب عباده وهم يرجونها
في نهار قمطرير عبوس مدلّها=يذهل المرضع ويغشى العقول جنونها
يوم تشخص كل عينٍ بلا زولٍ لها=سلهمت ماعاد رفّت ولا أدرج نونها
إما رضوان المرحب تفضل حلّها=جنة عرض السما والآراضي دونها
ولاّ مالك خازن النار وشهيقٍ لها=كبكبوا الفجار في ويل وي والونها
با بن آدم عد لا يام وتفطّن لها=كم بقى لك كم مضى لك تجر لحونها
فات ما قد فات والمقبلات إقبل لها= بالصلاح وخير لأعمال يا مرهونها
يا من أسرف كف واشن المعاصي ملّها=كم شربنا من الخطايا بكاس فتونها
قلتها ما نيب سالم عذاريبٍ لها=لكن أرهبني اللظى من حمى كانونها
فاجتهد يا من سمعني وانا داعٍ لها=النصايح كانوا أهل الظفر يشرونها
أسكب دموع الندامة وحاول شلها=مالحضيض إلى ذرا الخير وأعلى جونها
لي هقاوي في عقول الرجال محلها=الرجال اللي شهاب الفتن يطفونها
الرجال اللي بوضح النقا مبداً لها=لا انتحى كلٍ وحذّف وساع ردونها
المكارم والفضايل مداهيلٍ لها=قطّبوها بالأيادي وشد سنونها
تبت إيد اللي يرى الطيّبة ويدلها=ثم جنّب عن حلاها وطيب فنونها
ذاك مثل إبليس لا صرّ عينه خُلها=والشياطين إرض ربي بغز عيونها