غطاوي؟؟يعني الغاز بالسعودي

غـطاوي :
يعني الغاز بالسعودي
اوعدوني ما تقرون الجواب قبل التفكير العميق والمتفاني في حل اللغز..ok.


7
7
7
7
7
7
7
7
7
7




1- اذا تليت حزامه ، تهلهلت عظامه .

تليت : سحبت ، تهلهلت : تناثرت

= الخيمة



2- منحازنا منحاز حلب ، نصه شاخ ، ونصه ذهب .

منحاز : إناء ، نصه : نصفه ، شاخ : فضة

= البيضة



3- إذا أكلت أوله مت ، إن أكلت آخره مت ، إن أكلته كله عشت .

= سمسم



4- بنت الملك لابسة ألف تنورة ، و جالسة في الجورة .

تنورة : ثوب نسائي ، الجورة : الحفرة

= الملفوف



5- واقف عالحيطة ، لابس برنيطة .

الحيطة : الحائط ، برنيطة : القبعة

= المسمار



6- جانا طارش من ديرة ، تراب ما فيها ، قلطنا له لحمتين عظام ما فيها .

طارش : ضيف (رسول) ، قلطنا له ، قدمنا له

= الطفل الصغير الذي يطلع من بطن أمه فيرضع من ثدييها



7- يسقط بليا صوت .

بليا : بلا

= القطن



8- يمشي على رأسه ، و ينطق بلا لسان .

= القلم



9- رقيق طحنه ، لذيذ طعمه ، ينبت عظمه على لحمه .

= البيضه



10- بنتنا بزة ، بالقاع مرتزة ، تفصخ الثوب الأحمر ، و تلبس الجزة .

بالقاع : بالأرض ، مرتزة : ثابتة مستقرة : تفصخ : نخلع ، الجزة : الثوب السميك

= البصل



11- قبة خضرا ، متروسة عبيد ، القفل قفل الله ، و المفتاح حديد .

متروسة : مملوءة

= الرقية



12- حلزق ، بلزق ، في كل شي يلزق .

= الاسم



13- بنت العجم تراطني و أراطنها ، و قليبي خايف من براطمها .

تراطني : تتحدث إلي بلغة غير عربية ، براطمها شفاهها

= البندقية



14- الصبح ينباع ، و الظهر ينباع ، و بعد العصر ما ينباع .

= البرتقال أو الليمون



15- أصله من الطين ، و يعشي المساكين .

= الفقع



16- أسألك عن حرمه ، لها ريال ، و دايما متابعها .

ريال : رجل

= الابرة والخيط



17- شيء خيره في بطنه وشره بظهره

= الجدر ( القدر )



18- شيء خيره بظهره وشره ببطنه

= التاوه



19- أبوك في البيت ولحيته في السكه

= المرزام



20- مغاره ومليانه حجاره

= الفم



21- حي جاب ميت ، والميت جاب حي

= الدجاجة والبيضة



22- بنت البدو ولحمها كاسيها ، تشرب الماي وجنس العظم ما فيها

= الفقع



23- بياضه بياض القطنه ، وإن سحبناه إنتفخ بطنه

= الشراع



24- انشدك عن شى يسكن الجبال ويجلس مجلس الرجال ويلبس لبس الحريم؟
=الصقر


25- انشدك عن سته يمشون بدرب الهوا لقينا جرة الاول والخمسه ماشفناهم؟
الجرّه : الأثر
=القلم



26- بنتنا بالصندوق وصوتها بالسوق؟
=النيره الذهب

26- اخضر بالسوق واحمر بيد امك؟
=الحنه

انشالله تكونون حركتو المخ اشوي..
.تحياتي

سهارا ... والله حركت مخي كثير ... على ذا الظهريه ...

الحقيقة اللي انجنيت فيها ... في الصبح ينباع والظهر ينباع وبعد العصر ما ينباع ....

قلت في نفسي حلوه هذي ..
لييييييه بعد العصر ما ينباع ...
وجلست أفكر وأفكر ...
قلت يمكن الحكومة مانعين بيع الشيء هذا بعد العصر ...
ونزلت شويه شويه .. وفاتح عين ومغمض عين ...
شفت الإجابة ... فهمت أن الشغله عصر ...

تصدقين لو كنت عطشان ... كان عرفت الإجابه على طول ...

لكن على فكره ..فيه محلات يبيعون البرتقال والليمون بعد العصر ...

ومحلات العصير ما أكثر منها هنا ..

<< عشان ما عرف يحله ... طلع السؤال غلط ...

تحياتي لكِ ...

تسلم اخوي محمد تعرف اش الا عجبني انا ..الحرمة الا دايم رجلها وراها ..الابرة والخيط ,,وبعد الاسم
وانت اخوي محمد مادام حركت مخك يالله كل يوم افتح عليها واقعد حلها من اول وجديد عشان تحرك العقل ويجي اخر الشهر تطلعلنا باختراع انشالله يفيدنا... ممكن مركبة فضائية.تتنقل جوا البلد .
تحياتي لك وعشكرا على مرورك على الموضوع

روعه سهارا امثال نادر وجودها كسهارا
الله يعطيك الف عافيه وقد اتيتي بالفعل بما احب فانا من عشاق الامثال والالغاز
لك خالص الموده
ابو عبدالله

شكرك اخوي ابو عبدالله على مرورك وانشالله جات الأمثال على هواك وان كان هناك تميز فبعض ا عندكم
تحياتي لك