فوائد سواقة المراة السعوديه السيارة .... لايفوتكم...؟؟؟؟؟؟؟؟؟؟

هذه فوائد قيادم المراة السعودية للسيارة

* أن ذلك يضفي على الحركة المرورية لمسات سحرية وجمال اخّاذ.
* سياقة المرأة للسيارة يحجم بل يمنع مشكلة تهور الشباب وقطع الاشارات المرورية فسيحرص الشباب كل الحرص على أن لا تفوته إشارة حمراء لعل الله ان يرزقه (( ببنت الحلال )).

* سعوده محلات البنـــــشر بنسبة 1000%100 لان الشباب كل واحـــد بيفتح له بنشر وبينتظر تبنشر سيارة وحده من البنات عشان يصلحها وهذا غير الشباب اللي بتلقاهم على الخطوط منتشرين تقل جراد كل واحد بعفريتته ومفك الكفرات.

* بيكثر التقديم على وظايف المرور وخاصة اللي يجلس عند الاشارات يعني زين اذا مالقيت المرور يشترطون شهادة الطب للى يبون وظايف عندهم من كثر الطلبات عليهم.

* سعودة محطات البنزين يعني بدل الهنود بتلقون اللي يشتغلون فيها كلهم سعوديين بس في المقابل افلقوني لو اصحاب المحطات بيكسبون ريال واحد يعني تجي البنت تقول لاابو الشباب صب بنزين بعشره ريال طبعا ابو الشباب بيحط لى البنزين في التانكي وبيفتح فمه ويناظر بالبنت ماايدري الا هو معبي تانكي السياره لللاخر يعني FULL طبعا يوم بيجي يحاسبها بتعطيه عشره ريال مثل ماقالت له عب وياليته ياخذ لعشره ريال بعد الا يطمر ويحلف عليها ماتدفع ريال ويقول هالمره خليها علينا.

* توفير فواتير التلفونات يعني مها اللي كانت تتصل على لولو وتجلس تكلمها بالساعات بيصير التلفون مال امه داعي يعني مها بتمر لولو والا بتقابلها في شارع وكلن بسيارتها وهاتك سواليف وهروج وهذا طبعا له عيوب يعني طبعا وهم يتكلمون بالخط بيقفلونه وبتصير زحمه ماهيب طبيعيه بس افلقني لو احد فتح فمه وقال لهم حركو السيارات زين ان ماباشرو عليهم ببارد والا بعشاء وهن بسياراتهم وبيقولون لهم خذوووو راحتكم على الاخر اصلا حنا ماورانا شي وين الابطال اللي الواحد ثواني يوقف سيارته مايدري الا مليون واحد يقوله حرررك يا بووويه.

* وعلى فكرة فائدة قيادة السيارة لا تقتصر على المراة (الانسة) بل حتى (المدام) المتزوجة ومن ذلك انه اذا حصلت خصومة بين الرجل وزوجته واحتد الامر وعلت الاصوات وامتدت الايادي (وصفقها وصفقته) واحمرت الاعين وتطاير الشرر منها وارغى وازبد كل منهما... عندها ستقول الزوجة لزوجها (ودني لهلي) وسيقول الزوج (ماني مودي) وستستمر المشكلة ولكن لو كان للزوجة سيارة فستخرج رغما عن زوجها وستقول له (اروح ورجلك فوق رقبتك).

* كذالك من فوائد سياقة الزوجة هو انها تساعد في احضار الاولاد من المدرسة وكذالك يمكن للمرأة (الزوجة) ان تسهم كما اسلفت في مصروف البيت وبذالك بان تمارس مهنة (الشيّاب) اي تحميل الركاب .. وهنا اوصي المرأة بإقتناء الهايلكس الغمارتين وإذا لزم الامر ((دينا)) لتحميل الطوب ونقل العفش والرمل والخرسانة والبضائع.

دمتم بعافية