لقاء خاص ومميز مع المصور القطري المحترف أوتـ(الحزن)ـار.. لا يفوتكم ..

السلام عليكم ورحمة الله وبركاتة
...

اخي العزيز

هتــــان

هلا بك اخي في الموضوع

ولاهنت على الاستضافه الاكثر من رائعه

واللي تعبر عن الروح العاليه والمتواضعه اللي تمتعون بها

اخي هتان سألني سؤال واحد وقال ...

هل المصور يعـبـر عن مشاعره الداخلية من خلال الصورة التي يلتقطها ؟
أم انه مجرد عمل يقوم به ؟ .

طبعاّ وشي اكيد انه يرسم الواقع اللي يسكن بمشاعره ويجسد احاسيسه وكل مايشعر به

من خلال تصويره

المناظر اللي تكون قريبه من الشخص هي اللي تعبر عن اللي بداخله

مثل مناظر الغروب ومناظر البحر وسكونه والغيوم والشفق الأحمر والشروق

هاذي كلها تترك اثر في نفس المصور

يعني ممكن ان الشخص المصور يعبر عن اللي بداخله من خلال صوره اللي يلتقطها

وممكن ايضاّ انه يجسد معاناته من خلال تصويره للمناظر المختلفه

يحاول انه يرسم لوحه كبيره للمعاناة الي يعانيها او الآلام اللي يشعر بها

ويحاول يعالجها بتصويره ويركز فيها ويتمعن بها

بغض النظر عن آراء الناس في الصوره

وطبعاّ ممكن من عامة الناس انهم يفهمون طبيعة الشخص من خلال تصويره

وطبيعة الرسام من خلال لوحاته

وطبيعة الكاتب من خلال كتاباته

يعني سؤالك حلو واااااايد وعجبني

واتمنى ان الاجابه تكون وافيه عليه

^_^




وعساك على القوة يارب

السلام عليكم ورحمة الله وبركاته..,

,
,

ومساءكم سكر..أوتـــ(الحزن)ـــار..,..& الجـــرح..,

,
,


هلا وغلا .اوتار الحزن..,


ومرحبا فيك في بني عمرو..,


,
,


بكل انواع الورود..,


واحلى روائح البخور..,


وبكل قطرة مطر..وقطرة صفاء..,


نرحب بك..,


آملين لك قضاء احلى الاوقات في بني عمرو..,


,
,


بصراحه..الصور مرره ذووق..,


وكلاسيك..,


وهذا أكيد شي يدل على ذووقك..الرائع..,


,
,


بصراحه الاعضاء ماقصروا بالاسئله..,


ولا بالطلبات..!..,


وانا عندي طلب صغير ..,


اتمنى اشوف صور للتحف والمنحوتات..,


وياريت..اشوف صور..للـــ ــــورود..,



,

,


اتمنى لك كل التوفيق..


وبإذن الله يكون النجاح..حليفك..


لانك..أبدعت..بجد..


سواء في حضورك العطِر..او في نتاج الكاميرا..



,

,


ومع حبــــي../

نرجع مره ثانيه للغالى اوتار الحزن


صراحه صور خياليه ماشالله عليك اخوى وهذا يعتبر فخر للشباب الخليجى


ابسالك بعض الاسئله ؟

1- هل قمت بتصوير اماكن فى السعوديه ؟

2- هل قمت بزياره لمدينه ابها والمنطقه الجنوبيه لان فيها مناظر خلابه تستحق التصوير؟

3- ماهى الصوره التى اعجبت فيها ؟

4- هل تعدنا بزياره لمنطقه بنى عمرو ؟

وفى الاخير لى طلب اخوى ابى منك (( مناظر ومجسمات جمالية من قطر ... ميادين شوارع ... وصور من الكورنيش والبحر))

تقبل تحيات اخوووك......سسسسسسسسيف الساهر

السلام عليكم ورحمة الله وبركاتة
...

أخوي الغالي

سيف الساهر

هلابك الغالي

ومنور الموضوع

ومرحبابك من جديد

اخونا الغالي سيف الساهر طلب مني وقال ...

1- هل قمت بتصوير اماكن فى السعوديه ؟

والله يالغالي لي صور من المملكه بس كلها مع الاهل والسموحه منك

2- هل قمت بزياره لمدينه ابها والمنطقه الجنوبيه لان فيها مناظر خلابه تستحق التصوير؟

ابها زرتها وصورت لاكن كنت مع الاهل وهي من اجمل المناطق والله

3- ماهى الصوره التى اعجبت فيها ؟

عجبتني الجبال والمرتفعات فعلاّ رهيييبه

4- هل تعدنا بزياره لمنطقه بنى عمرو ؟

ابشر يالغالي والله ودي بس خلني اخلص من المعهد باقي شهرين واخلص


ولاهنت يالغالي

والسموحه

اخوك اوتار




وعساك على القوة يارب




.....

السلام عليكم ورحمة الله وبركاتة
...

أختي العزيزه

عاشقة نجــد

هلا بج اختي ولاهنتي على الترحيب الراقي

والله يعجز لساني عن وصف كرمكم يابني عمرو

تسلمون والله يالغاليين

اختنا العزيزه عاشقة نجـــد طلبت مني وقالت .....

سؤالى لااخوى اوتار الحزن ماهى نظرتك المستقبليه للتصوير وخاصه ماتقوم فيه انت ؟


اختي الغاليه

نظريتي للتصوير تختلف عن باقي الجوانب الاخرى في الحياة بشكل عام

يعني التصوير مرتبط بالفن بشكل عام وهاذا اللي يخليني اتفائل بان التصوير راح يتطور كل يوم اكثر

التصوير التصوير التصوير

للأسف الكلمه هاذي في مصورين مايعرفون قيمتها

تلاقين المصور يصور صور ويتعبث فيها ببرامج معالجة الصور والتصاميم

ويقول من تصويره

يعني يوضح الألوان والإضائه ويقول الصوره طبيعيه 100 %

انا اعرف وايد ناس من هاذا النوع وصدقيني انهم فاشلين

هاذول مالهم مستقبل بالتصوير

ونفس السالفه في الرسم

عندنا رسامه تشتري رسومات من الهند وتسافر بس علشان تكتب عليها اسمها وتبيعها وتعرضها في معارض

انا اعرفها زين

يعني الناس هاذول مالهم مستقبل ناجح وعطائهم محدود

اما التصوير هو الفن الراقي واللي يعبر عن حالة المصور

ونظرتي للتصوير هي

دام انه في ناس تبذل مجهود بأقل الإمكانيات فإن التصوير بخيييير

بس

^_ *

ولاهنتي يالغلا على الرد والسؤال المهم

تحياتي العطره لج

اخوج

اوتار



وعساك على القوة يارب



.....

السلام عليكم ورحمة الله وبركاتة
...

اختي الغاليه

احلــــــى مجنوووونه

تسلمين اختي على المرور المتميز

ولاهنتي

وطلبج على الين والراس

اختنا الغاليه احلى مجنونه طلبت وقالت ...

ممكن اذا فيه صور عندك عن البحرين ؟؟

ماطلبتي شي يالغاليه

لاكن اعذريني الصور مصورهم بالجوال مب بالكاميرا مالتي

^_ *

في البدايه هاذي فندق إليت سويتــس اللي انا اسكن فيه لين اروح البحرين



تحديداّ مكانه قريب من مركز البحرين الدولي للمعارض

وهاذي السياره اللكزس في السوق الحره في مطار البحرين الدولي



وهاذي منظر جميل من المناظر الحلوووه في البحرين



اختي الغاليه السموحه على قلة الصور لأن معظم الصور حق الأهل

تحياتي العطره لج




وعساج على القوة يارب




.....

السلام عليكم ورحمة الله وبركاتة
...

أخوي الغالي

مصرقــع نـــت

هلابك الغالي

وتسلم على الترحيب والرد الراااائع

اخونا الغالي مصرقع نت طلب وقال ....


أنا ودي تنقي (ثلاث صور ) على ذوقك ...الغالي وتعتبرها اهداء للمنتدى ... واجابة لطلبي

أبي ثلاث صور من أروع ما صورت تختارها بكيفك وتحطها .. صور لأي شي .. تكون مميز وأكيد كل اللي تصوره مميز


اخوي الغالي

انا اهديك الحين اجمل ثلاث صور على ذوقي

لاكن اهداء المنتدى شي ثاني بتشوفونه عقب الانتهاء من الموضوع هاذا

^_^

هاذي الصوره من بحر الوكره



وهاذي الصوره من فوق الطعس في سيلين

ولاحظ اخوي مافي فرق سبحان الله بين الغيم والبحــر



وهاذي الصوره من سوريا

لاحظ الثلوج



^_^


اخوي الغالي

اتمنى ان الصور عجبتك



وعساك على القوة يارب




.....

السلام عليكم ورحمة الله وبركاتة
...

أخوي الغالي

المـــدلل

هلا بك الغالي

تسلم على الترحيب ياخوي

اخونا الغالي المدلل طلب وقال ...

ياليت تعطينا صور لمناظر خلابه ؟

سؤالك يحيرني والله العظيم

مممممممم

وش اختارلك يالغالي

مممممممم

اوكي بعطيك بعض الصور من اختياري واتمنى ان ذوقي يعجبك

^_ *

هاذي صوره للمسجد الأموي في سوريا



وهاذي صوره للقمر من تصويري



وهاذي صوره للبحر المطل على فندق الريتز كارلتون



وهاذي صوره للغيوم من وسط ارض ستاد خليفة الأولمبي الجديد



وهاذي صوره لغروب الشمس من كورنيش الدوحه



اخوي الغالي

اتمنى اني ماقصرت معك في الصور

وحاظرين للغاليين

تحياتي العطره لك

اخوك

اوتار



وعساك على القوة يارب




. . . . .

هلا والله وغلا يالضيف الكريم المميز

مشكور على وجودك اللي أضاف لمنتدانا لمسة سحرية من يد فنان موهوب

أعتذر عن تأخيري بس توها عيني تجي على الموضوع

والصراحة موضوع مميز بكل ما تعني الكلمة من معنى وألف شكر للأخ الجرح على الدعوة

وجودك بيينا الصراحة يزيدنا شرفنا ... ونفرح بمعرفة أمثالك الطيبين

وبما انك جيت منتدانا وشرفتنا باستضافتك ولبيت طلباتنا ولك كل الشكر والامتنان

أنا ودي تنقي (ثلاث صور ) على ذوقك ...الغالي وتعتبرها اهداء للمنتدى ... واجابة لطلبي

أبي ثلاث صور من أروع ما صورت تختارها بكيفك وتحطها .. صور لأي شي .. تكون مميز وأكيد كل اللي تصوره مميز

أرجع وأقول تسلم على تلبية الدعوة وجلب الصور

ويسعدنا حضورك الراقي .. وأشكر الأخ (الجــرح) مرة ثانية

ولا تحرمنا من جديدك باستمرار