(الأيام )

ياليت للايام مزبن وعنوان = فيها حمى آل سعود هم والصباحي
ياليت للايام نخوات ويلان = والله ماانقل لليالي سلاحي
لوكان للايام فزعات عتبان = ماخطت الدنيا سوالف جراحي
ياليت للايام فزعات مطران = يوم الدخيل بطارف النزل صاحي
لوكان للايام وقفات قحطان = ماهزت الدنيا علي الرماحي
لوكان للايام مدات سبعان = ماطال ليلي فوق كوعي مراحي
لوالليالي تبحر بجود عجمان = مالبست همومي سواد الوشاحي
لوعندها حس التميمي والايمان= ماضاعت ابلي في بعيد المشاحي
من الدواسر لوخذت طيب واحسان = تعلمت كيف الوفاوالسماحي
من حرب لوتاخذ جمايل وعرفان = يمدي جزتنا بالكرم والنصاحي
لومرت بعمري وغامد وزهران = كان الليالي أسفرت بانشراحي
لوتاقف بشمر وشهري وشهران = كان اطلقت سود الليالي سراحي
لوبشكي أيامي على يام نجران = كان اشتعل جمربالخدود ماحي
لوبرمي الغترة على عيال سرحان = ولاعلى الاشراف لاشرب قراحي
ولاعلى سهول وبقوم وقصمان = كان الأسى منه الخفوق استراحي
ولابلى ولاعسيري وشمران = ولابني حارث بيوم شحاحي
ولاالهواجر والسليمي وظفران = ولابني عبس وجيه الفلاحي
ولابني خالد الى حد عمان = مالاحني من لوح الايام لاحي
قبائل في ديرتي شانهم شان = وأنا افتخر فيهم بعلم مباحي
سلام من قحطانها لين عدنان= عداد ماشعشع شعاع الصباحي

هذه الابيان للشاعر /كامش محمد العنزي

الله يعطيك العافية يا القفلي

قصيدة جميلة وتسلم والله على ما أوردت لنا

وتقبل تحياتي

هلا وغلا بك يالقفلي

قصيده جميله جداً
صح لسان قايلها

وسلمت يدين ناقلها

أشكرك اخي العزيز


خالص تحـــــــــــياتي

أخي الأديب القفلي ما قدمته أسطورة لا يأتي بها الا شخصك الكريم

	تسلم أخوي القفلي ابيات جد رائعة لا عدمناك...

يعطيك الف عافيه وشكرا لما امتعتنا به في هذه الابيات الجميله

شكرآ أخي أبوريان على مرورك وأطلاعك الجميل تحياتي وأشواقي لك أخي العزيز

لومرت بعمري وغامد وزهـران
كان الليالي أسفـرت بانشراحـي

تسلم يمينك اخى القفلى على مانقلته لنا هنا


شى رائع وحضورك اروع

تقبل تحيات اخوووووووووك سسسسسسسسسسسسسسسسسيف الساهر

شكرآ أخي العزيز ابومانع على ردك الجميل تقبل أجمل واحلى تحيه من أخوك القفلي