أبيات أعجبتني 00 كل واحد يشـارك

يا زين قلبي من ( عنا ) البعد مشتاق = ألحق عليّه لا تسبّب ضياعي
ياما كتبت ( اسمك ) على كلّ الاوراق = وياليت منهو يعرف اسمك رباعي
( اسمك ) يسلّي خاطري كلّ ما ضاق = بالله في حالي ترفّق وراعي
لا جبت ذكرك دمعة العين تنساق = تكتب قصيدة لك يا حسين الطباعي
يا كثر ما حولي من النّاس عشّاق = لكن لغيرك ما وجدت اندفاعي
قلبي يدّقه منّك اليوم دقّاق = صارت جروحي في فؤادي وساعي
أصارع الوجدان في بحر الاشواق = في غبّته تايه تمزّق شراعي
تلعب بي الأمواج والدمع دفّاق = مابين دمعة نزلة(ن) وارتفاعي
واعلم ترى حبّك نبت وسط الاعماق = مثل المطر للأرض يبنت مراعي
ليتك قبل غيرك لقراية الخطّ سبّاق = وتردّ باللي يخفّف لوعتي والتياعي