إجابة ســــــــــــــــــؤالي ..!!!

المشاركة الأصلية كتبت بواسطة المهاجر07

هلا وغلا بالكل ..
بدون مقدمات أترككم مع القصيده
وإن شاء الله تنال رضاكم

لاتحسب إني عنك يازين سالي = لا ولله إني ضايق الصدر مهموم
أسري بفكري لليالي الخوالي = وأتذكر إني كنت عاشق ومغروم
وأتذكرك لامن جلستـي قبالي =كنتي على كثر الحكي ساكته دوم
كنتي تقولين الهوى سور عالي = مهما رقيته كلها أوهام وحلوم
وقلتي بعد فترة تدٌور بدالي = واغيب عن بالك ولاتفتكر يوم
غبتي وبعدك واصل(ن)للهبالي = والجرح في كوم(ن)والأشواق في كوم
كل المشاعر تصرخ بصوت حالي = أرجع كفايه مل قلبي من اللوم
مليت أناجي وحدتي ياظلالي = مليت أناظر والسهر يسرق النوم
مليت أعيش بوسط عالم خيالي =عالم من الفرحه والآمال معدوم
شرقي غروب وفي جنوبي شمالي =وكل الجهات الأربعه مابها نجوم
ضايع بصحرا حبكم ياحــلالي =تايه لجا للهم وشباح وغموم
كنت أحسب إن الوقت فجأه صفالي = وأثر القدر يخفي مقادير وعلوم
كان القدر ماهو مقدر وصـالي = عشت الهوى ياظالم الحب مظلوم
وتبقى الإجابه مُبهمه عن سؤالي = هو للقاء مابيننا ياهوى يوم ؟؟

الله الله عليك المهاجر07
صح لسانك ملايين ولا يكفون
دمت نبعا للابداع اللا متناهي
قصيده رائعه وجميله من شاعر له لمسته الخاصه في صياغة الشعر
سجل اعجابي بما كتبت
وربي يسعد ايامك وانت دومك عالي وعلى قلبي غالي
دمت بكل الخير اخوك
ألم

المشاركة الأصلية كتبت بواسطة ألم وعشناه

الله الله عليك المهاجر07
صح لسانك ملايين ولا يكفون
دمت نبعا للابداع اللا متناهي
قصيده رائعه وجميله من شاعر له لمسته الخاصه في صياغة الشعر
سجل اعجابي بما كتبت
وربي يسعد ايامك وانت دومك عالي وعلى قلبي غالي
دمت بكل الخير اخوك
ألم

ألم وعشناه
مرحبا بك مليون يالغالي ..
وصح بدنك ولاهنت ..
حظورك يالغالي أسعدني ..
وشهادتك أفتخر فيها لاعدمتك ..

دمت ودام تواصلك
رعاك الله