" حديثـــ القلبـ "

.... يا أكثر من سكن قلبي وعيوني واكثر من كفوفه تعانق يديني لين تكتب من نعومتها ودفئها وعطرها في وسط كفيني ذكرى يدين وحبايب

ياللي كنتي بعدما صرتي فيني اكثر شي فيني أنتي ..
أكثر من الدم بعروقي جريتي
واكثر ماببالي طريتي ...
وأكثر مادار بفكري وفكري عنها درى
تصدقين كنتي فيني بأعظمي ما أبالغ أن قلت أنتي كنتي كلي...
وانا معك بالمقارن أقل شي مني فيني ... أهدافي أنتي مستقبلي...وانا لي مجرد طريق بنهايته كنتي ...أنتي

اخذني الوقت عابر على كفوف من التيه وجابني لك.. ماجابني لك من جهات

جابني لك آهات ماجابني وقت موعد انا أدري ان الموعد مرنا وفات
جابني يغطي هيئتي البائسه سؤال .. ويتمتم بي شفاه الغريب اللي مافي لسانه العاجز لغه للكلام صبري اللي صبرته أنتهى
دمعي اللي ذرفته حكى ومالقى غير عذاله يسمعوا له
عاذلي اللي شمت فينا شمت وانتهى
جابني لك يوم ماله لسان ولا له حال تحكي لك
بأني ضيعتني فيك وضعت مني..وبعد ماغبت فيك عني سنييييييين... حبيتني فيك وكرهتني وحدي بدونك فيني

تحكي لك اني تأكدت لو حصل يوم وتركتيني....ماراح الاقيني

ومين اللي وده يعرف نفسه كذا فجأه بأنه فاشل وحيد وبلا أحباب ..؟

مدري من فين اببداني لك واسال ...واللي جابني يوم أشعث من وقت عابر ما عرفته وماعرفت من اية جهه..مرحتى وجابني

أبدا من يدينك من كتابات الحروف ...من سواليفك وصوتك من شطآن غيم بخيالاتك من ورودك من زهور بحضورك اللي هداياه دقات قلبك على ابواب العروق
واللي خلّت كل الطرق لوسافرت ماخذت فيها مفارق وياما خذت عاشقك لك وكله الشوق.

أو من عيونك اللي ياما قلتي لي كحلها شوفي وحلاها وزينتها...

او من حلومها اللي حكيتي لي كلها عني بليلك
ارافقها بنومة بارحه مرت بلذه ماعمرها كانت حكيتيها وقلتي البارحه فيك ياحبي افراح ...البارحه ياحبي أبد ماكانت جارحه من بدايتها من لحظة جابتني وهي مثل موجة حلم مبحره جابتني وبشويش حطتني على صدرك وضمتني لك بيدينك جابتني..لك بارحه ترسم احلا ابتسامات النايمين ....قلتي وحكيتي...لي بأنها تعيّشك جنة النوم الهني


الصياد