أبيات أعجبتني 00 كل واحد يشـارك

البارحة في لذيذ النوم لاقيته = حلوم جابت لطيف الروح خدّاعه
فزيّت ارحّب ودمع العين هلّيته = رميت نفسي وجا راسي على ذراعه
ضمّيت خلّي وفوق الصدر لمّيته = والروح من كثر ( العناااا ) دوم ملتاعه
احسب وليفي يناديني ولبّيته = سمعت صوته وقلت السمع والطاعة
يشكي وانا اشكي وبكّاني وبكّيته = وانا احسبه علم(ن) قضينا ربع ساعه
كذّاب يالحلم ان ما كان فكّيته = افكّ سارق فؤادي من ورا اضلاعه
اذا مسكته وصافحته وهدّيته = القلب عنده ولا اطالبه بارجاعه
ليته تركني وخلاّني وخلّيته = لكن خذا قلب من مخلوق ما باعه