لقاء مع طالب مستجد وأسرته..

أسئلة الطالب /
1/هل تحب المدرسه ؟
نعم أحبها
2/ ايهما أجمل السوق أم المدرسة ؟
السوق
3/ طيب وش الفرق بين المدرسة والسوق ؟
المدرسه مثل السوق زحمه لكن السوق فيه ناس كبار*
والمدرسه اولاد صغار*
4/ متى نذهب للمدرسة ومتى نذهب للسوق ؟
كل يوم اروح المدرسه
السوق اروح عشان الالعاب في الاجازه
5/ كم حرف تستطيع كتابته ؟
كثير درستها في الروضه
6/ هل تحفظ سورة من سور القرآن الكريم ؟
نعم احفظ السور القصيره الفاتحه الفلق الناس الكوثر الصمد
7/ من هو الذي يعلمنا دروسنا بالمدرسة ؟
كانت ابلا الحين استاذ*

أسئلة ولي الأمر /
1/ هل سبق لأحد أبناءك دخول المدرسة من قبل ؟
نعم عندي 7 الله يصلحهم فيصل أصغرهم
2/ كيف تجد الفرق بين استقبال الطلاب المستجدين سابقاً والآن ؟
والله اشوفه في تطور من عام للثاني مع الافكار الجديده وتطور المعلمين
3/ هل أنت راض عن بدايات ابنك وطريقة استقباله بأول يومين ؟
والله الحمد لله كان اﻻستقبال جيد وحتى فيصل كان متخوف شوي يمكن لانه*
اخر العنقود ومدلعينه لكن شاف اخوانه وكان متحمس*
4/ اعطني من ذاكرتك كيف كانت بداياتك أنت بالمدرسة ؟
سقى حطني الشايب عند الباب ومشى هههههههه
كانت على ايامنا بسيطه وكان المعلم والمدرسه لهم هيبه*
وكان شعار الوالد الله يرحمه لكم الجلد ولنا العظم*
ومافيه اي ترفيه مثل الان والاب يستاذن من عمله اسبوع يداوم مع ابنه
5/ هل لمست اهتمام ابنك بالمدرسة ام أنه غير محب لها ؟
والله اخوانه مشجعينه نوعا ما واما الرهبه فموجوده لكن كنها خفت*
هاليومين في الليل يصحى يبكي شوي وينام ماندري يمكن خوف*
6/ هل درس مرحلة التمهيدي من قبل ؟
نعم درس روضه وتمهيدي
7/ كيف ترى دور ولي الأمر مع المدرسة ؟
ولي الامر مكمل للمدرسه لازم يهتم ويسال عن ابناءه*
ويتواصل معهم دايم*