[ الملحق ]

تراتيل ..
كلام جميل .. اشكر تواجدكـ الرائع


ابو ريان ..
معكـ في كل ما قلت استاذي .. يبقى التدوين شيء مهم جدا
احترام بلا حدود مديرنا

السمي
شرفني وجودكـ مرحبا 1000

اسايرها ..
هدفي تدوين بامانة وحفظ الجميل من التراث والتاريخ
على راسي هذا التحليل الرائع
شكر وتقدير واحترام


اشكركم جميعا

فيني نووووم
وإلا كان كتبت قصة الصاحي والمجنونة مقرونة بالحقائق
هو ..
صادق وصريح وما عنده لف ودوران , اللي على قلبه على لسانه
لا يحقد ولا يحسد واحيانا ما يرقد .......... لا يتمنى لها الا الخير والسعادة
صارت له ظروف قاسية , تغيرت حياته ومزاجه والغى زواجه !
وربّا لحية زغنطوطة وصار من البيت الى المسيد
يحكي مجاملة ويضحكـ من غير نفس


هي ..
عكسه تماما , تحاول تضره بدون سبب
أي شيء يقوله ما تصدقه " وهو صادق " جرحته اكثر من مرّة ويتحمّل
اخيرا شدّ ذلوله وسافر عمان - مع العلم انه من اهل البحرين
ولكن ليسلم النكد


هذه القصة حكاها لي صديق عُماني وحلف انها حقيقية
والحادثة قبل اكثر من سبعين سنة , إذا ما جاني نوم وارتحت
عُدت لسردها ولكن اســـأل الله أن انام مرتاحا لكي لا اكتب وانا نعسان وطفشان
فاحوس أم الشغلة ويزعلون اهل البحرين

نقطة

وصلت الرسالة طال عمركـ
كنّيتي بِ [ ابو بدر ] وليست كنيتي لكنني افخر ببني بدر حييييييييييل ويستاهلون
ساقف عند هذا الحد بعد ورود المقطع ع الواتس ,, يؤسفني أن اسمع مثل هذا ! كلّه " كوذاب "
يقول الشاعر عبد الحميد انّه قرأ المعلومة في كتاب !!! لماذا لا يكون لدى بني بدر كتاب يثبت عكس ذلكـ ؟
أمّا السوالف فليست اثبات .

اقول تحت امركـ ,, ساتوقف هنا طال عمركـ
والله يكتب اللي فيه الخير

فاصل طويل شوي
والله يستر لا يصير مثل الفاصل الاعلاني في قناة السعيدة
" دعاية فليت وسمن وفوط وحجار كشاف وعصير مشكل وبسكوت بو ولد ... "
المهم ,, فاصل ونواصل !

يوما ما ,, اخذتني القالة وقلت اجمع ما استطيع عن التراث في منطقة رجال الحجر
وبديت ابحث في كل مكان واقرأ وادوّن واجمع معلومات , اخذتها من بلاد باللحمر الى آخر بني رافع
اصوّر واجلس مع كبار السن واسأل عن كل شيء . والحقيقة كانت هناكـ فوائد كثيرة
لعل من اهمها أنني عرفت من كبار السن اشياء مذهلة وتناقضات عجيبة
نأخــــــــــــذ على سبيل المثال ..

معظم بل اغلب كبار السن من الرجال ..
كانوا يشتكون من الماضي ويقولون أنهم عانوا الأمرين ويغبطون الشباب على حياة اليوم
يقولون " ما شفتوا شيء , ياما عانينا وتعبنا وشقينا " الغريب .. ان الكبار من النساء كانوا يقولون
" الله يسقي ايام زمان " بعكس الشيبان ,, قررت البحث عن الاسباب !

خرجت بخلاصة ..
كل الاعمال الصعبة كانت مناطة بالنساء
المرأة وقتها كانت هي المسؤولة عن تربية الابناء وتربية الماشية واعمال المنزل
كانت تشاركـ في الزراعة والسقيا وكانت المناط بها جني الحصاد ودرسه وتنقية الحبوب
وطحنها وخبزها و ( ذيبـــان ) فقط ياكل ويشرب ! شغله يقتصر على حرث الارض مرتين بالسنة
او المشاركة في بناء " غرفة او صيّر او ثمالة " مع اخوياه ويسمونها عمالة
وبقية الوقت يتمشى ويتشرّق ويدلي ويقبل
كانت الزوجة كل شيء !

منذ الصباح
تقوم الزوجة باعداد الفطور لبو فلان
يرجع من صلاة الفجر يلاقي الخبز والسمن والتمر والحليب
يطقها الى الكربة ثم نزل الوادي يعسس وهي تقوم باخراج الحلال والحلب وتفطير البزران
بعدها تذهب لجلب الماء والاعلاف وتعود لاعداد الغداء ,, يتغدى الذيب ويقيّل الى عصر وهي تقوم بشغل البيت
بعد صلاة العصر يصيح في القهوة وبعدها يروح يتشرّق مع ربعه
وهي تكمل مهامها الى المغرب ليبدأ عمل الليل
باختصار ما عنده الا الضعوي

يقولون الشيبان عشنا في قهر !!
كيف وانتوا تصكون مية سنة والواحد مثل الحصان
عشتوا لا هم ولا حزن ,, كل شيء مهيأ لكم والفضل بعد الله للحريم
تنزلون الوادي وتلقون كل شيء مهيأ من يوم تطلع من البيت وانت تأكل ,,,
عسيلا , دير , زغاديب , حماط , عنب , عصيف , صعور , فركس وبرشوم ................... الخ
لا ,, وبين الغنادير ,, مليان الوادي بنات تشم هذي وتخم هذي وتظم هذي
من وين يجيكـ الهم يا بو سنون !

المصيبة يقولون
انتوا يا جيل اليوم ما تخافون الله ,,,, قُل قسم !
اجل انت وش كنت تسوي ؟ قال على الفطرة والتقا والنقا ,,,, لا يا شيخ ؟
قال والله اننا نتروش مع البنات ولا في قلوبنا شيء ؟؟؟؟ كثّر منها !!! هو يا انكم معتوهين يا منتوا صادقين
واحد يقول ,, والله اني نمت انا وواحدة ع القعادة " السرير " الى الصباح وان كنها اختي ! اتحداااااكـ !
يا إما ان السالفة خرطي او انها قامت الصباح مهدودة حيل !
ما علينا كل واحد يعيش بزمانه

اللهم ارحم العجائز واسكنهم الجنة
واغفر لهذولا الشيبان اللي ما كانت شغلتهم الا شمني والبقبي
بس كانوا رجال صراحة

ملاحظة ..
احاول تطعيم السالفة باللهجة المحلية القديمة

باقي ما انتهى الفاصلـــ !

"" يوم في عقر دار عنترة ""

في الماضي البعيــــــــــــد
" بو سالم " يرتفع صوته معلنــاً موعد صلاة المغرب ..
اصوات الغنم تضج في ( مساريب ) القرية , مثيرة غبار تلكـ الطرقات , خلفها غانيات عانيات
برفقتهن كلب او اكثر .. الكل متجه الى منازل من الحجر والطين , الدجاج المؤقت مع كل صلاة
يؤدي دوره في تلكـ اللحظات , النساء كل واحدة عائدة بحمل معين ,, قربة ماء او ( محفرة ) برسيم او حزمة حطب !
لحظـــات وينتهي كُل شيء , بعد الفراغ من الصلاة وعودة الرجال الى بيوتهم يسكن الهدوء ويعم الظلام وتبدأ طقوس المساء
يبقى صوت ثعلب في اعماق الوادي او جندب يندب حظه لقدوم الليل . رب البيت ,, جالس في الغرفة التي يستخدمها كل افراد العائلة
هي المجلس والمطبخ وربما للنوم عند البعض !

عنترة مستلقي على فراش خاص , الابنــاء والبنات من حوله صامتون
إما ارهاقــاً من عناء يوم شاق أو خوفــاً من عصا عنترة التي قد تطالهم في حال ازعاجه
الام ,, اتت لتوها من ( اليرين ) بعد أن اعلفت البقر وحلبت وارضعت صغار الحيوانات ونظفت المنزل
قدمت بالحطب وجلست بجوار ( الكانون ) لاشعال النار وتهيئة وجبة العشاء بينما عنترة يتقهوى شبه مقعور
لحظات وإذا بصوت ابو سالم مرة اخرى [ حي على الصلاة ] قام عنترة , توضــا واتجه الى السجد
آخر توجيهاته ,, " لا اجي الا والعشاء جاهز " اتى بعد الصلاة وتعشى
الكل ذهب الى النوم ,, بقي هو وعبلة !

بينما هي تحاول إصلاح ما افسده الدهر في جسمها وملابسها
تضع بعض الزيت على شعرها وتسرّحه بسرعة بعد أن استحمت بماء بارد
غيرت ( كرتتها ) بقميص ليس بافضل حال من الكرته , بدأت برش بعض العطورات المتوفرة
| حبشوش , بو طير , قلب شادية .............| رشّت فليت في الغرفة لطرد الذباب والبعوض
كل هذا بعد أن وضعت العجين بوعاء مكشوف << حق الفطور صباحا
شيّكت على غرفة الاطفال وعلى الابواب الخارجية ثم عادت
تكاد تتهاوى من التعب بعد يوم مُضني !

عنترة وضع بعض المطهر ( مكركروم ) هم يسمونه ( تنتريون )
بحثت فلم اجد له مصدرا ابداً ,, لا باس اياً يكن فقد وضعه على جُرح في ساقه
ثم اتجه الى السرير المفرد ,, لم يكن لديهم سرير مزوج .. ولا احد يسألني ليه ؟؟؟
اتت عبلة فلا يمكن ان تسبقه على الفراش وإلا قامت حرب داحس والغبراء ,, نعم انه عنترة !
اولاً ,, لنعدد الروائح في دار عبلة .. | عطور لكـ عليها , مكركروم , دهان وزيت , في الغرفة ريحة فليت
باقي في النار عود يدخّن وله رائحة وفيه خنفوس ابو ريحه مر على الغرفة لان الباب على طول مفتوح|
ولا ننسى رحة الخميرة ثم أن على مخدة السرير ,, | ريحان وبركـ وذفراء وقرطسيني وبردقوش وعلوم |
هي ما قصرت سوت اللي عليها , بس عنترة جاي مثل ما هو ,,, ريحة منادغة من بيت الجيران
ودق شقفة بصل على العشاء ويتثااااوب ويحك شعره << مو مشكلة الرجال ما يعيبه شيء
انا اتصوّر ذيكـ الليلة ! اولا الروائح .. تقول نائمين في مصنع كفرات والسرير كنّه حفرة زيت !
ما يسولفون واجد ,, شوي ويتلاقطون , مصارفة القعادة وخنين البسة من بين المواعين
وبرّى مطر ورعد وواحد من الصغار يبكي في الغرفة الثانية << يعني زلزال !
ثم يرقدون ويا ويلها لو قام ولا هي مسخّنة له موية وقد شبت النار
! كبيييير يا بو شوشة !

ودّي اعرف ليه ما ينام بعد صلاة الفجر !
دام الغنم يسرحون بها البنات والزوجة عليها كل شيء في البيت والوادي
والاولاد ,, اللي راح بالجمل واللي سرح يحمي الزرع من الطير والصغار مع البهم
وش منزّلكـ الوادي مع البغمة ؟ وش مخلّيكـ تدلّي وتقبّل في الشموس ؟ لا هو وقت حرث ولا حصاد
ولاهو شربكم اليوم ولا له داعي تنزل بالمرّة << اكيد فيه سبب ! ويقلون حياتنا كانت قاسية !؟!
اقدر احلف ما نزّلكـ الوادي إلا الزغود الليّنة والروايا الحلوة واذا بغى يزهم على زوجته ..
صااااااح ,, يا مرة الغداء بعد صلاة الظهر ,, قوام !

هكذا كانوا ,, فهل نحن افضل حال ؟؟ مدري !
انا آشوف انهم عاشوا باريسيات بس ما فيه ذيكـ النظافة واجد
اليوم الوضع معكوس .. كل شيء على الرجال والحريم ما غير يتبطحون
فداهم ,, اهم شيء لا ينزلون الوادي

انتهى الفاصل وقفّلنــا القناة

كلها في وادي وان الوحده تروح تحتطب تختلي وهي حامل وترجع وعلى يدها ولد ولابنت .
لاممرضات نزيف اجهاد ويمكن تموت...حياة صعبة .
اقول لك
قل يالله ام قل يالله ام قل يالله
ان الله يعظم اجر امهاتنا وعماتنا وخالاتنا ويعوضهم عن شقاهم براحة في جنات عدن .
اما نسوان هاالزمن فعكس الماضي مافيها كلام تحديدا " الي ماعندها دوام وهم الاغلبية " اما الموظفة فمشكلتها تنحصر في احتساب الاجر غالبا ليلة الجمعة اما باقي الاسبوع فيدور له شلة سمرة بلوت الله لايهينه بابا سنفور !
نرجع للاغلبية تلقى نظامها راقده من صبح الى حول العصر ام قامت صيحت على الخدامة وتقهوت وبعد المغرب يا مسيرة ولا راحت السوق لاغسيل ولاكنيس ولا ولا ...{ رفاهية } الاهم نروح لغرفة النوم في الليل طبعا في العطور ومحلات نعومي تحسب لهم بصراحة المهم يدخل بابا سنفوروالسرير يسد ثلاثة ماهو مزدوج بس ويتقلب ويتصلق ويحندي عمره ام يرقد " بي عنه " والفاغرة قاعدة في الصالة تتابع مسلسل تركي ولا مكسيكي الى صبح .
واتوقع والله اعلم يطلع جيل ينهي الظلم في الجيلين الي قبله يعني اثنين اثنين متفاهمين شكلنا" قلبناها عرضه .
اقولكم طابت لي السواليف مع المهندس الله يسعد قلبه في الملحق .
فناطالبكم قولو تم انكم لاتدققون يعني
( حاطب ليل ) .
سلام

ههههههههههههههههههههههههههههههههههههههههههههههه ملحق فخم بصراحته ومضمونه
لكن سؤال ليه الرجال مايعيبه شئ ..؟؟وش حضرته القلح قلح رجال أو حرمه..ذا الكلمه رفعت ببعض الرجال وهو مايسوى ...
المهم طابت لي الروايا ..وصف جميل وإبداع لاحق عليه أسايرهاوتعاندي..الله يسعدك مهندسنا ..

تدري يا المهندس كلامك رائع وفيه منطقيّة كبيرة ولا نقدر نبخس
أيٌّ من الطرفين مجهودة مع إن المقارنة كانت منطقية بنوعيّة العمل بين الجنسين ..
صدق هم اللي كان يشد ويحط بأغلب الأشياء ..
والحمد لله إنا في نعمة وخير الآن ولا حاجة لنا بتلك الأعمال أو العودة لها ولاّ بتسير علوم..
ياخي ما بنعرف نشل ولا نشد ولا نحط ولا نذرا ولا نعمل ولاهم يحزنون ..
تخيّلت واحد يتشنق المحفرة بصدره
أحسن فاصل بصراحة وراق لي كثير ..
تقديري ..

كلام منطقي جميل مع تحفظي على بعض الكلمات لا ارى لها داعي فقد تشوه الملحق بل قد تدمره .

اخوي ,, اسايرها وتعاندني
هذا اللي نصيح منه بس عجبتني اثنين اثنين ,,,,,,,,,,, ايبلاه , سعة سعة
يمكن يجي اليوم هذا ! من يدري ؟ المشكلة عزيزي إن بعضهم يسرح والعطيف على كتفه
وين يا بو فلان ,, قال باروح اجيب ( هراوا ) او ( شذيب ) وخنّها على الرعيان
اكل اللي معهم من طبيخة واستانس ثم نزل تروش بالغدير وطلع براس ضرب
يطرّق ويقصد ويغني ,, يا ليتكـ لي يا ليتكـ لي ويا من حبنا حب !
رجع ظهر شب المنزل بالصياح وين انتوا
هذي بعض قصائدهم على سبيل المثال ..
هنا
يعني قمّة الوناسة ويقول اتعبتنا الحيـــاة إلا انشهد انكـ اللي اتعبت العرب
واحنا ذبحتنا مشاكل الحياة ومصالاة النسوان , ماحن قادرين حتى نحب
ولا حن لاقين وقت نطرّق بروس الجبال !

شكرا على الاضافة الرائعة لا عدمتكـ
خلّكـ معي بعض العرب جاي بعطيف
اجمل التحايا

تراتيل ..

هههههههههه
وش نسوي انفقعت قلوبنا ,, من عمري (6) سنوات وانا احمل مسؤولية المدرسة
وكلما قابلني شايب قال " منذا انت صبيه , ايكـ انت وولد فلان ؟ والله وانا في سنّكـ انّي اقعر البعير "
صدّقته وجيت اقعر ديكة ما قدرت , بعدين اكتشفت الحقيقة ,, سواليف فاضية !
لا درسوا ولا توظفوا .. ما غير هلية في المساريب وسهرات وحُب

مقولة ما يعيبه شيء ,, هم اللي يقولون مو انا !
تقديري لتواجدكـ العطر

ابو ريان ..
حرام لو إنّي عشت في وقتهم إن اكون باقي في الوادي الي الحين
وشبكـ انت ؟ دوكة خُلف , وناسة وفلّة حجاج , تبطاح وتسداح , ماخذين الدنيا ضحكـ وغرام
وكل شيء عندكـ عندكـ ,, هذي الحقيقة لا احد يزعل ! خُذ مثال .. إذا نزلوا ( النسوان ) يصرمون البر
والاخوان ذولا مقعرين في المكاظم يتفرجون فيهم , لا عباية ولا غطوة
لا ,, ويدنّقون وهم يصرمون
عنّ أُم الجو !

آقول اخبرهم يشلون المحفرة على ظهورهم
مو بصدورهم طال عمركـ اتصور الموقف

استاذي الكريم هـــذا الواقع زمان ! لماذا نهرب من الحقيقة
حتى لو هي مرّة , انا لم اقل الا الصحيح ودكم اقفل الملحق فابشروا بالسعد
اهم شيء القنبلة تراني في وجه الله

كل الاحترام والتقدير

ارحب يا بوفهد ..
ما جبت شيء من عندي طال عمركـ
لو تســأل أي واحد من اللي عاشوا صباهم في تلكـ الفترة خرط لكـ السبحة
واعطاكـ اكبر من العلوم هذي ,, بكل الاوحوال إذا ودكم تقفلون الملحق السحابي هذا
فايه منّي عليهم واعدّي اكتب بفحم على الجدار وافلحنا




تقديري واحترامي وابشر باللي يرضيكـ يا الغالي
كل الشكر والامتنان ولا نستغني عن التوجيه
واقعدوا فـ العافية

على طاري الصرام مقولة " صرم حالي " ...!
وقسم لو في تلك الأيام صوت وصورة لكانت إلا الركبة ...!
عزيزي المهندس تشرفت بالمرور من هنا وأستمتعت بالقراءة وقسم إني ضحكت لين حسيت أزرار الكيبورد قدامي تقول إنها " معافي " ومع أنني سمعت فقط بذلك الزمان ولكنني تخيلت نفسي في أقرب معفى منها وأنا أقرأى هذه الكلمات ...!
رائع بما تعنيه الكلمة هذا الملحق ومقروع لا توقف ...!
تقديري ...

المشاركة الأصلية كتبت بواسطة المهندســ

ارحب يا بوفهد ..
ما جبت شيء من عندي طال عمركـ
لو تســأل أي واحد من اللي عاشوا صباهم في تلكـ الفترة خرط لكـ السبحة
واعطاكـ اكبر من العلوم هذي ,, بكل الاوحوال إذا ودكم تقفلون الملحق السحابي هذا
فايه منّي عليهم واعدّي اكتب بفحم على الجدار وافلحنا




تقديري واحترامي وابشر باللي يرضيكـ يا الغالي
كل الشكر والامتنان ولا نستغني عن التوجيه
واقعدوا فـ العافية

تسلم يا ذيبان وانت الخير كله ولكن ارى ان قلمك ارقى من بعض سواليفهم اللي ما اعجبتك .
هذا قصدي لا اقل ولا اكثر .