الهدايا بين الزوجين

أختي الفاضلة الأزدية حياك الله وبياك ، عادي يـقبروني ولكن بعد معاملة وعشرة طيبة ورومنسية وحنية ولا تـقبرني واحدة الليل والنهار وحنا في حنة ورنة ولسانها يلوط أذانها وطلباتها ما تنتهي .
أخي الغالي أبو مانع أنا كل عيد أهديها بالهبل وقلت العيد هذا بأجرب وأشوف مادام الله جاب من يكفيني ويوديها السوق ولكن الطبع يغلب التطبع حريم جلوف لا رومنسية ولا يـحزنون ، أما قولتك أن زوجتك أرسلت لك رسالة تكفي عن الهدية فوالله لو كانت الرسالة بفلوس ما ترسلها لك ولكنها بلاش وطبعاً تعرف إن الرسالة بـيعقبها هدية منك إذا جمعكم الله بـبعض عادت تـمهد لها من ذلـحين فالذيب ما يـهرول عبث .
أختي الفاضلة يـمك دروبي ، حواء جابت لي الصمرقع في رأسي بدون ما أتحرش بها علاوة على أنها مصت دمي ودسمي وقلنا على الأقل يـمكن تـتمعذر بقنينة عطر ولكن والله يا أم ركب سود ما يـحاك فيها ولا تـتعلم أصول الرومنسية وكم لله وحنا نـعطي ولا نـحصــّل مقابل إلى متى ؟ والله لو تـقعد من ذلـحين إلى يوم الدفنة ما تـتعدل أمورها حتى لو تـغسل ركبها بسلك مواعين وفيري والعملاق الأبـيض وتـصبح ركبها بـيضاء مثل ركب السورية واللبنانية .
دمتم جميعاً في صحة وسعادة وحفظكم الباري من كل شر .