وإن مـن الشعر لـحـكمه " يُـرجى المشاركة من الجميع "

لو فاتتك بعض المكاسب والافراح = وانته بصحة صحتك قمة المال
واسمع كبير السن لا جاك نصاح = اللي حنت ظهره ثقيلات الاحمال
واصبر على المقسوم ماجاء وما راح = والصبر فيه النصر حتى ولو طال

أليا جهلت انشد ترى مابها عيب=لا تنخدع للجهل وأنت السبايـب
عيب الفتى مافية شك ولاريــب=ترك الفروض وقطع وصل القرايب
والعيب ترك ملازمات المواجيب=وتبع الردى ومجالسة كل خايب
فالتجربة برهان مافية تكذيــب=واليا جهلت انشد من القوم شايب
ولا قول يوجد شايب يعلم الغيب=الغيب يعلم به مدير الهبايــب
لاشك يوجد شايب له تجاريــب=ومن الدهر شاف الفكر والعجايب
بيض النواصي جبهته كلها شيب=من كثر ما مرت علية المصايب
قد صارع الدنيا على الخبث والطيب=فالغوص وإلا فوق روس النجايـب