طهر مشــاعر

عـ السريع وبعد عودة من عشاء عند احد كبار الاعضاء اقول .. نيابة عن قروب طهر المشاعر اتينا نمد الكف بالخير ,, بلسم احباب وسم اعداء للخصم سيف وللمسالم اكف ٌ بيضاء شعارنا الحب ورمزنا النقاء يا شمسنــا هاتي من الضيّ طــــاقة ................................ تبخّــر امــــواج البحـــور العجيبــة ويا غيمــــة اسقي موطــن ٍ فيه فاقة ................................ خلّيكـ من نبت الخــــزامى قريبــــة بيني وبين الغيــــــــم قــوة عـــلاقة ................................ ما هي بعيـــدة ميــر ما هي غريبـة هو يسقي الضامي ويمطـــر لبـاقة ................................. وانا اروي اوراق النفوس العطيبة نبقى سوى ما بيــن ود وصــداقة .................................. لنا في الوحـــــدة صــــلابة وهيبة حســـــادنا مابه عليهـم شــــفاقـة ................................... غصب ندفّعهـــم رسوم وضريبة إن كان فيهـــم واحد ٍ به طفــاقة ................................... عزّ الله اللي طـــاح وانشق جيبه وإن كان عـود ٍ ما بقي به لياقة .................................... تضيع هقــــواته وعــزّي لشيبه رفاقتي نعميــــن ,,سعد الرفاقة .................................... انتم وانا ع الخصم شر ومصيبة باسمهم اتكلم والا حرام يا واحد منا ان يسد في اي قروب ما شفتوا المشاعيب اللي في الصورة وانا ورسـام حذفنا ما يخطي ,, حرام إنّا نفقع روسهم مع جُلّ احترامي للخصم .. قسم اني احبهم كلهم وهم تاج على الراس بسـ لازم ناخذ الكاسـ اللي وده يرد مسموح وله بوسة ود وغلا

، صح لسآنك ، أمطرتنآ غدقاً صيباً نافعاً يِ طُهر القصيد هنآ تُنبته أنآملك ، بـ فيضٌ من نور وسنآبل متلألأه .. اصآلة وتألق [ مُجهِر ] دآم المِداد وَ عليهم

حرف مُتمرد ينضح رقياً
دآم النبض يآالق
مختلف في الإقناع رائع في الإبداع
إحترافيه في إختيار المفردة وتوضيفها
بأسلوب سحري جميل..
وعليهم بعد..

❀✿❀✿

نص وكلمات لها ايقاع خاص اريجها يفوح عطراً..
بوركت وبورك قلمك المميز..
تقديري..

الله عليك

صح لسانك ياذيبان انشهد انك ماقصرت
وسلمت يمينك انا فدا عظامك راعي جصيده
فن فن عسيني عيد خشمك

تحياتي

الله الله ..
روعة هذه القصيدة وبشكل كبير ..
إن جيت لموضوعها أو مضمونها أو لسبب هطولها ..
قوة عزيمة ورفع معنويات وتحدي جميل وعساكم على القوة ..
حيلكم بينكم يا قروبات بسلامتنا يا خلق الله
تقديري ..

الرائع المهندس
طرح قصيدته وأعطى الأذن لمن يرغب الرد
وهو أحساس منه بأنها تحتاج
إلى رد
وهذا الرد مني لاني آمون
على أخي أبو محمد
!!!

يا حي خــط جـــــاء على حين فاقه
م الصــــاحب اللي يرتكي للصعيبة

صحيح شوكه لو يكن وســــط باقه
من ورد هـــــولندي يذعذع بطيبة

عـــــزي لنفس كيف تنسى الرفاقه
تذكر بعض والبعض ما تعتزي به

مـــــــا ني بذا ركبه من فوق ناقه
دقيقة الســــــــــاقين ما هي نجيبة

كـــان الفضاء مفتوح يلحق سباقه
لكن ذا حــــــــــــظه وهذا نصيبه

عليه والله قد خــــــــــذتني الشفاقه
ورحمت حر ضــاع مـاله وصيبه

واخبره رجـــــــــــال يحب اللباقه
يحفظ حقوق الجـار ما يفتري به

واشوفه انا اليوم قــــــــطع شناقه
يا حيف هذي منه ســقطه غريبه

لكن يفداه الخــــــطأ والصــــداقه
مـــــــــا بيننا تبقى ولاهي غريبه

!!!

وبعدها يتحدى المهندس وهو قــــــدها
وأنا أقول له حرااام لو ما طلبني
ابوفهد
أن أكون قد قظفت من البارح
وأنت باقي على العشاء
!!!
تراها مزاح مع بو محمد فلا يصدقون رفاقته
!!!
ولكن عندي ملاحظه صغيره ترى المهندس نسي انه في قروب طهر المشاعر
يتحدث عن غيمة والغيمة عندنا الله يوفقه

صح لسانك يالمهندس وتراك انت ورسام المشاعر ذكرتوني بذا يقول اضرب بالرجال الرجال والا تعال امسك الحمار وواوريك فيهم وهو تصافق ركبه . ههههههه

كيف تقدمون البنات وتقعدون تلاعبون ورى الشبك ؟ ههههههه

حكيم صح لسانك وبيض الله وجهك .

مرحبا ملايين بالجميع
استهليت الموضوع بمد الكف للمسالم
جيت وبيدي مسبحة لكن بعض العرب جاء بعطيف وبعضهم برشاشـ !
كيف باقي اسلم على قروب السكون
اما ربعي ذكور واناث فحرام انهم كفو والوعد قدام يا سرية بقعــا

الملكــة ,,تلاهيف
مجرد وجودكـ كـ شاعرة قديرة يشرف الصفحة
ويرهب اصحابنا بالقروبات الثانية
تحية اكبار لهذا التواجد العطر

شيختنا ,, تراتيل
لنا شرف تواجدكـ ونحن معكـ
ارقي سنود والطب عندي
لكـ كمال الود وجمال الورد

الاميرة ,, طيف
حيا الله هذا الحضور المميّز
اسعد بقرب اقلام الطهر
عشتي

اخي الغالي ,, رسام المشاعر
ابشر بمن يرفع راسكـ يا الذيب
مجرد اسمكـ يرهبهم
عساكـ ذخر

ابو ريان

مديرنا الغالي والحاكم الاداري
لكم ارفع عقالي تقديرا واحتراما
حضوركم ينعش صدورنا فشكرا لكم بحجم المحيط استاذي
خل العسكر ذولا حرام لاسلبهم بنادقهم
ولامسيهم عند السد

حكيم المنتدى

صح لســـانكـ واعتلا شانكـ واختلعوا قلبكـ وكلها
صحيح انكـ صديق وعزيز وغالي واعتز فيكـ ولي الشرف
لكن اليوم ما اعرفكـ ولا تعرفني وبيننا خشم البندق
الحين وش دخلكـ اروح محل ما ودي اش تبي ؟
والا تبغاني اجي معكم ؟!! معصي !!

بصراحة رد وافي وقصيدة رائعة الا بيت ٍ واحد
ودي انه قعد في ذاعف مشكلة قروبكم انكم مبرطمين من اول يوم
وبكم ضيقة خُلف ام ايكـ تكملها اليوم

اقولـــــ
عندي قروب ٍ يشرّف قوم واشراف قــوم
......................... ثمانيـــة بالعـــدد والفعــــل قــــد اربعيـن

فينا الشـــرف والشــهامة والحيـا والقـدوم
......................... كتّــاب شــعّـار ما نعطي يكـــون السمين

اثنين يحمـون والبــاقين وجـــه امحشــوم
........................... خــواتنا "تاج روس" وكل علـــم ٍ يبين

فيهم نقـــاوة نجــوم وطهــر مثل الغيـــوم
............................. قلوبهم صـــافية واقلامهـــم باليــــدين

اللي يجي ضيف يلقى الطيب عند القروم
............................ والســارق انعذبه ونقص كف اليميـــن

تكفى يا رســام لا قابلت طيــر ٍ يحـــوم
............................ ســـدّل جنـــاحكـ وخلّـــة عبـرة للثنين

هذي ابغى رسام يرد عليها
وبيضّ الله وجهكـ حكينا القدير
وافي ولكـ القلب صافي

ابو فهد

وجه السعد وراس قروبه ونفروبه
الحين حن في تحدي مواضيع وش وداكـ انت والحكيم عند العلوم هذي
يا خوي بكيفنا نمشي قدام والا ورى ,, المهم نقصلف ضلعانكم وسلامتكـ
تشرفت بتواجدكم يا اخواينا في قروب الرشاشات
لكم تقديري

صح لسانكم يالثنين

وابشر بالرد يالمهندس وابشر باللي تبغاه
رد سريع ومتواضع

يالمهندس ربعت والخير جا والبرق دوم
............................... مانبت غير الخزامى والعطر والياسمين
والكبير نقدره بالطيب مع حب الخشوم
............................... الصدور اوساع دايم ولا متعاتبين
وان نصيت اهل الذهب اوجيت عند الصاغ يوم
.............................. لبسه وزينه شراه اشرافهم والسيدين
ابشر بعزك وهاك العلم علم الصروم
.............................. احسب حساب الكلام الشره واللايمين
احيان قاسي طبع واحيان قلبي رحوم
.............................. واحيان ماعاد افرق بين سبت وثنين

المشاركة الأصلية كتبت بواسطة المهندســ

برد عليك ياشاعرنا وانت ويشهدالله غالي وبالمقام عندي عالي وعلى عجل
اعذر القصور بكل شي يالنشمي

لاحت بروقك ياسمانا لباقه

...................................تبرى بها كل القلوب العطيبه

والغيمه اللي تحتنايالرفاقه

.............................لالامست هالبرق طاحت صويبه

والعود لوماالجمرزاداحتراقه

.................................انشهدن ماتعرف الناس طيبه

قروبكم يعرج وبان اختناقه

..................................لمسه وفا قيمه وعزه وهيبه

كلامنا مثل العسل في مذاقه

.................................مجملين وكل طيب(ن)نجيبه

والله مانقطع على الكفو ساقه

............................واللاش طلقات المشوك تصيبه

اماالمهندس له من القلب باقه

..............................قلوبنا يمه بتبقى قـــــريـبــــه

كفو يا رسام
صح لسانكـ يا النشمي
راعي الطيب والعلم الغانم
قواكـ الله ..لا يهمكـ احد ,, الفوز لنا باذن الله


لاعدمتكـ شاعرنا