عينات اسأت الى الشباب .

يا رجال في كل مكان تلقاهم

في يوم من الايام صار علي حادث و اسلمني الله بس الموتر يخلف الله

استاجرت سطحة و نقلت الموتر لورشة في صناعية الطايف

علما اني جلست من الساعة 9 بالليل حتى قرايب الفجر ما جاني لا امن طرق لاني على طريق مقطعة بين الطايف و تربة

المهم جتني السطحة و نقلت الموتر و قال راعي الورشة نبي ورقة من المرور

قلت اوكيه و بطلع من الدوام و انا رسمي بزيي العسكري

و اروح لمرور الحوية بالطايف و اطلب مسؤول الحوادث يعطيني ورقة اصلاح و كانت رتبته رقيب

قال ما اقدر رح جب لنا السيارة قدام القسم و بعدها نشوف نعطيك او لا يمكن تكون سارقة

اعطيه اثباتي المدني و العسكري و استمارة السيارة قال لا لازم تجيب السيارة

و ساعة كاملة اتوسط عنده المهم قلت انا الغلطان الي اتعامل معك و اطلع لمدير مرور كان رتبته عقيد

و اشرح له السالفة
قال العقيد تامر امر انت زميل لنا و ان ما وقفنا معك و انتم حماة البلد من نوقف معه

و يسهل الاجراءات و اخذنا الورقة و تركنا ذاك العلة بغيطه

الف شكر ابو فهد و المواقف واجد بس نترك المجال للبقية

تحياتي لك