أطلق سراحي

يامل قلب من الهوى ما استراحي=على كثر ماجاه ماهو بتاااايب
وياهوه لا تصغر فعينك جراااحي=توي شباب لكن القلب شاااايب
أخذت من درس التجارب لقااحي=وشفت بالدنيا عجوب وغرايب
ماعشت مغلق فكر ولا انفتااحي=أشاور العاقل ولي راي صايب
وأما أنت ياسيد البني و الملااحي=بيوت شعري فيك تجي غصايب
أبديت لك منذ البداية ارتياااحي=وعلمتك إنك أنت أغلى الحباايب
إلى متى مقيدني أطلق سرااحي=من قبل لا تاجي حقوق وطلاايب
أخذت مني مهجتي وإنشرااحي=وبدلتها جرحين شوقِ عطااااايب

قصيده رائعه بكل ماتعني الكلمه من معنى
صح لسانك يامهاجر حتى ترضى قصيده احتوت التسلسل والترابط والتدرج المهيب في كل شي
ولكن عتبي على شاعر بهذا المستوى ان ينسى حرف او كلمه تسبب خلل للقصيده دون
قصد وانما من باب النسيان واقول ذالك وانا جازم لأن مستواك لايشير لضعف
شعري وهذه الابيات دليل قاطع على تمكنك وشاعريتك ايه الرائع واقصد
هنا البيت التالي

أخذت من درس التجارب لقااحي=وشفت بالدنيا عجوب وغرايب

كما اسلفت انت شاعر رائع متمكن جداً ولكن احتمال انك لم تراجعها وتدققها قبل
الاعتماد وهذه مشكلتنا الشائعه نحن معشر الشعراء

الصيغه الصحيحه ايه العزيز
كـــ التالي

أخذت من درس التجارب لقااحي=وكم شفت بالدنيا عجوب وغرايب

هذا لايقلل من جمال قصيدتك ابداً ولكن من باب التذكير ادليت بوجهت نظري
اعجاباً بالقصيده وحباً بصاحبها العزيز علينا جميعاً في هذا الصرح
مرتٍ آخرى صح لسانك مليون
وتقبل تواجدي واحترامي
وتحياتي