كلمة من عندي وبيت شعر من عندك (2)

يا نفسي ارتاحي ويا قلبي ارتاح = مادام دنياك اخرتها الزوالي
( بكّيتني ) يا طير فوق الشجر ناح = أنظر لحالك هل غدى مثل حالي

الشمس غابت في غيابك يالحبيب = والشوق مايمديه يجمعنا سوا
من يافتى في خاطره يلقى طبيب = يبري جروح(ن) من سبب لعب الهوا
ماودعتني راحت بوقت(ن) غريب = والحال مرتبكه وقلبي أنكوى ا
هالحظ الأقشر مايجي يوم ويصيب = والقلب يلقى من يوده وحتوى ا
طالبك قله أعشقه حتى المشيب = مهما رفض حظي ومهما ألتوا

يالله مالقينا غير اللي بالمسلسل

لا وين قلبي يا زمن = ماخذني ورايح وين
لا خلّ عندك ولا وطن = ودمعي ملى الكفّين
ضاعت دروبي ولا مته = من عمري ضاعت سنين
كل(ن) يغصّ أبلقمته = وانا بــــ ( غصّات الحنين )

خافقي عزّى عيوني واذرفت = دمعة الفرقا وقالت مستحيل
خطوة الفرحه بعيني وقّفت = وابتدى مشوار همّي بي يشيل
زولها يوم اتركتني وارحلت = كنّها تفرض عليّ المستحيل
مادرت أنّها بالثوب الابيض ( كفّنت ) = ( الفتى ) اللّي بحبّها صاير ( قتيل )
في عتيم اللّيل في الظلما طفت = شمعتي ذابت مع ايام الرحيل
( اّاّاّاّه ) لو تطلب حياتي اللّي بقت = ما بخلت وقلت يفداك العليل

بعدك حياتي ماني ضارب لها حساب = لني على شوفك ولقياك أدمنت
ألفة لك في صفحة العاشق كتاب = صفحاته البيضاء من الشوق كفنت

بعدك حياتي ماني ضارب لها حساب = لني على شوفك ولقياك أدمنت
ألفة لك في صفحة العاشق كتاب = صفحاته البيضاء من الشوق كفنت

يذكرونك بالف خير ومنك خير وفيك خير
000يذكرونك من تذكرهم وهم يستاهلون


الكلمه

هلابك

ساقت مقادير السما الترف يمّي = سوق الرياح المثقلات السحابي
جاني وانا اشكي من عذابي وهمّي = وسهدي وهوجاسي وطول العذابي
هلا ( هلابك ) يا خلف ( بوي وامّي ) = يامحرق(ن) قلبي وهو مادرابي
يوم اختلط حبّك مع اعروق دمّي = والبستني في الحبّ سود الثيابي
بديت في صفحة ضحاياك باسمي = وطلبت عفوك واستجارك شبابي
لكن عيونك مهلكة يوم ترمي = ماتستريح ألاّ تمّكن صوابي

وتقول ( لاتبطي ) وانا بانتظارك = أبشر بسعدك واصلينك على خير
أباصلك لو هي بعيده ديارك = لو جيت لك حافي معنّى القدم سير
أباصلك غصب(ن) عليّ باعتبارك = دنياي اذا منت أبّها مابها خير
واعيش حتّى في عذابك ونارك = النّار أفضّلها ولا منّت الغير
طبعا شعاري دوم والله شعارك = مادمت طيّب عدّني دايم ابخير

البال لوما البال وش يعني القلب
000المركز إللي يصدر الامر للبال

الكلمه
غربال

سريت ليل الهوى ليل انبرى نوره ====== أمشي مع القدر وتسامرني القمره

الكلمة ( أشــــواق )

ياهلا وغلا أخوي الأشقر
بالنسبة لطريقه المشاركه فأعتقد إنك فاهمها
ولكن هناك لبس بسيط ..

كان المفروض إنك تجيب كلمة غربال في بيت شعر
ولكن كتبت بيت شعر وكتبته غلط بعد لكن مسموح .. وحياك الله ويامرحبا بك ..

اللي بكى ياصاحبي من همومه = قلبه تعذب والهوى صار غربال

بالنسبة لكلمة الأشقر

لك في خفوقي يالغلا حزمة أشواق = ليتك تشوف الحال وتروف يازين

النوم

وانا البارحه في ( النوم ) جاني خيالها = سألتها ماذا ويتبسّم
جزى الله حلوم اللّيل ماكثر خديعها = لقد خدعتني واتركتني متيّم