اين الخلل ؟

المشاركة الأصلية كتبت بواسطة ذات الشان

ابو فهد
لاشك ان رأيك مهم جدا ونظرتك شاملة للموضوع
لكن
اتعجب اذا قالوا فراغ عاطفي ولم يجدوا في البيت حب وحنان
ابو فهد الشيبان مايعرفون حنان ولا حب ولا عندهم شيء اسمه عاطفه واولادهم تبارك الله ما يعيبهم شي ويحترمون الاب والجد والعم والخال وحتى الجار الاكبر سنا
تعال شوف الجيل الحالي يترمى في حضن امه ويطبطب عليه ابوه وتحن عليه اخته وتدلعه جدته
وتهش له عمته وتتودد له خالته ويمدحه عمه ويعتز به خاله
يعني من مجاميعه يمطر حب ومع ذلك ماصخ وتلعب عليه اول بزره تبتسم له في المول وتخليه مثل ( الحسيل ) تلعب به لعب
ليه ؟
اذكر احد من اعمامي الله يرحمه كان يحكي لي عن طفولته و ( الحب ) اللي كان يشوفه في الديره
قسم اني كنت اضحك وابكي من هول ماكان يرى وماشا الله عاش رجل ومات رجل الكل يشهد له انه ما مشى في طريق الردى ولا حصل له مرض نفسي ولا عصبي
تخيل انه مره تضارب مع اولاد قرية ثانية وعاث فيهم بقوة وقت ماكانوا يرعون الغنم في مكان بعيد
المهم الخبر وصل لابوه قبل ما يوصل هو للبيت
دخل تعبان مرهق جيعان بردان واول مافتح الباب ماحس الا بجنب راسه حطبة تشتعل حذفه بها جدي الله يغفر له ولو جات في وجهه كان خلته بدون ملامح
طبعا هذا كان تحيه بس والباقي جوه جلده جلد ماينساه للموت
تراه كان يحكي لنا وهو ميت ضحك وانا كنت اتخيل لو كنت مكانه كان يمكن اتبرا من ذي العايله


الامر من تصوري ان الموضوع فيه شي اسمه ( شفحه ) بلهجتنا ( صداعه ) يعني يبغا كل شي
ولا يملا عينه شي
مثل اللي عنده كل شي ودايم جائع ويبغى المزيد

وعلاجهم فقط في شغل وقت فراغهم بما هو مفيد
مثل هذا الشاب لاتجد عنده ثقافة ولا علم ولا يفيد نفسه ولا اهله بشيئ ان لم يكن عالة عليهم
و( جايب لهم المرض )

ابو فهد
دمت لنا وبارك الله فيك

ذات الشأن

ارجو السماح لي بالعودة للموضوع :
ما يحدث الآن ليس اشباع عاطفي وما يحدث سابقا ليست قسوة كما يتخيلها الاخرون .
من الظلم ان نقول ان الشيبان لايعرفون الحب ولا الحنان ولا العطف بل هم من ربى وعلم في وقت ياكل الذيب من ذراعه من الجوع .
وليس مثل اليوم ينفق الاب من سعة .
وبعض القصص التي تتناقل فيها شيء من المبالغة من وجهة نظري . !!
ما يحدث الآن هو تدليل بل غسل شيء اسمه الخشونة والرجولة من قبل البعض وليس الكل .
فالدلال الأكثر من اللازم يدمر الشاب ولكن ادبه وعلمه وربه اضربه بحدود واقس عليه بحنان واعطف عليه بشيء من القسوة بين له علوم الرجال خذه معك للمناسبات اذا رأيت غلط بينه له واذا وقع في الغلط فاردعه فان ارتدع او اقس عليه .
يجب ان يعمل الابن لأبيه الف حساب ولأمه مليون حساب .
اذا خاصم الاب او ضرب لاتدافع الام او تطبطب على الظهر بل تقف الى صف الاب وكذلك الاب .
ما كان يقوم به الشيبان زمان انا مريت به ولكنه كان قمة الادب وقمة التعليم فكان الاب يحترم الابن امام الناس ولا يحتقره بل يمدحه حتى يوصله القمر واذا صاروا مع بعض ( فش حرته فيه ) ههههه .
لا يضرب الا على خطاء يعلمه الابن قبل الاب .
يحزمه بالحزام ويكلفه بتقليط الضيوف واستقبالهم واكرامهم ولا يزهمه الا باسمه مع الدعاء له وهذا يرفع من المعنوية الى الى مالا نهاية .
اما الآن فما يحصل من البعض ( دلع ) يلبسه جنز ويقص شعره قصات غريبة واذا بكى حمله واذا طلب شيء احضره واذا هاش عليه احد افراد العائلة وقف في وجهه ويناديه
( ياعبودي ياحمودي يافهودي ) !!
فكيف يبغاه يصير رجل كفؤ .
لا يكلفه الاب بشيء خوفا عليه حتى يرى الابن في نفسه انه غير كفو لمثل هذه الاعمال .

اخيرا :

الاشباع العاطفي ليس بالتدليل وانما باعطاءه حقه امام الغير واخذ الحق منه بعيدا عن الغير .

شكرا لك .