"نور العين" عضوة جديدة من "البحرين"

شكرا لكم احبتي على هذا الاستقبال الجميل الذي ينم عن طيب اصلكم و كرم ضيافتكم , و اعذروني على التأخير لظروف خاصة..


اخي خفق بن رفق :
اسمك يحمل رنة موسيقية عذبه بداخله , و ترحيبك بالذات بالعمرية - و لو اني ما فهمت شي – يحمل ذات العذوبة و السلاسة على القلب و الاذن و الروح معا ..
بس شوي شوي علي , و الله بصراحة رغم انكم حبايب و مكانكم داخل القلب و العين الا اني الى الان لا استطيع فك الخط بالعمري..

شكلي ما احتاج الى ترانزليشن , بل احتاج الى دورة لغة مكثفة قبل ما ابدأ معاكم المشوار..

اقول شرايك نسوي مقايضة ؟
تعلمني عمري و اعلمك بحريني باللهجة اللي تبغيها ..

عاد طب و تخير بين اللهجات و لا يردك الا لسانك
عندك البحراني بانواعه : ستراوي , كربابادي , راس رماني..
البحريني – السني- بانواعه : رفاعي , محرقاوي , منامي ,
العجمي بانواعه: بيرمي , ميناوي, بوشهري , آباداني.
الهولي بانواعه : بستكي , كمشكي , جناحي , اوزي..

ادري مصختها ..

بس من جد ما ودي اطلع من عندكم الا و انا اردح بالعمري ردح..

نور العين,,
البحرين,,