من يحمل راية ( هو & وهي ) تنافس المشاعر والخواطر ..

أنا ليا ضاق صدري وأشتعل جاشي ***** داويت نفسي من همومٍ تناهشها
ضربت لي طرقه تصعب على اللاشي ***** وسرّيت رجلي ومسرى الليل ينعشها


ونحرت جوٍ خلي يوحش أوحاشي ***** صحاصح البيد طب اللي يعايشها
خاليٍ جنابه من العالم والأدباشي ***** قفرٍ مرب الوحوش ومأمن أوحشها
عشبه سواة الحمى مهوب يناشي ***** لا راعي البل ولا الشاوي بنايشها
ما يقطعن فرجته حرار الأوباشي ***** الضمَّر اللي وصوف الريم تلكشها


ما يسهجه غير حبيبٍ يطرب الماشي ***** مع واعر الأرض ولا مع مفارشها

جيب يبعد عن معشاي مغباشي ***** اللي يقص الدروب اليا تناوشها

لا فر من دوس رجلي صابه خراشي ***** فرة قطاة ٍ دوي الملح خارشها

يطيش من طيش سواقه ليا طاشي ***** نوب يخم الخطوط ونوب يقرشها

أبيه لا بان نجم ونجم متلاشي ***** وشفت السويبع مع خوانه مداقشها

في ليلة وبلها هتان ورشاشي ***** وقلايد الوسم مرخيتن مراهشها

ما عاد يطري له الا برق الأرياشي ***** اللي على شانها البيدا يفتشها
وأنا معي عاري مهوب بخياشي ***** لا تل سيره على المقفي تفرشها
ومن لا عرف لذّة المقناص ما عاشي ***** ولعه بليا طماعه مير عايشها
يسلابها الخاطر اليا ظاق وانداشي ***** وترتاح في النوم عيني يوم أغلمشها
يا لا يمي خلني أصد وأنحاشي ***** عن شوف ناس مغير تلوي خششها
والله ليبطي مع المقناص مطراشي ***** لين المنيه أقابل وجه طارشها

هذا الدواء اللي يداوي حدبٍ هشاشي ***** من هاجس لا تحرك قام يجرشها


القصيدة منقولة (تراني بقيت من بيوتها لأنها طويلة ) ...... والصور مضافة لها من عندي في محاولة مني لكتابة قصيدة وصورة ...... تقديري

وأول وآخر مره أسويها تعبت ههههههههههه