سلسلة أحاسيس . . . راجي الوصل !!!!!!!!!!!!!!!!!!!1

بعض مشاعري :
.
اخيرا كرهتك واستراح الخفوق وطاب
انا كنت محتاج اكرهك بعد حبي لك
.
كرهتك ولا شك انت تدري وش الاسباب
كشفتك وعندي بان زيفك وتضليلك
.
انا كنت احَسب انك تقدّر غلا لاحباب
وكنت احْسب انك صادق في مراسيلك
.
واثاريك ذاك الخاين اللاعب الكذاب
تلاعب عباد الله لامن سرى ليلك
.
وتلعب على كل(ن) بلعبتك يا لعّاب
ولا فاد بك حبٍ ولا فاد تدليلك
.
وكل(ن) غدا من فعلك ولعبتك منصاب
تعديت في غدرك ومكرك بني جيلك
.
عليم الله اني كنت بك دايما مرتاب
ولكن خدعني فيك غشك وتمثيلك
.
اثاريني اتعامل مع واحدٍ نصّاب
واثاري التسلي عندك اعظم محاصيلك
.
ودامك تبي تبديل حبي بحب اغراب
فوالله لاسعى في زوالك وتبديلك !
. .
.
ــــــــــــــــــــــــــــــ ــــــــــــــــــــــــ
فضفضة :
.
مسكينة ٌ أنتِ يا من تكثرين اللعب
وتعتقدين أنكِ بذلك تستفزي غضبي
وتحرقي أعصابي
العبي مع من شئتِ وكيفما شئتي
فلن تخسري إلا نفسك عندما تكتشفي
في النهاية أنك أنت اللعبة ولست ِ اللاعبة!
. .
.
ــــــــــــــــــــــــــــــ ــــــــــــــــــــــــــــــ ـــــــ
موقف :
. .
.
يا ام العيون اللي تناظر من الجمس
وسوّت في التفكير والقلب حوسة
.
يا كيف لو يحصل تلبابٍ ولمس
يا كيف لو تطبع على الخد بوسة
. .
.

ــــــــــــــــــــــــــــــ ــــــــــــــــــــــــ
ــــــــــــــــــــــــــــــ ــــــــــــــــــــــــ
( محاولات ليس إلا ) :
. .
.
شيءٌ من فصيح :
.
إذا جنّ الظلامُ ونامَ غيري
سهرتُ الليلَ مكلوماً حزينا
.
أسامرُ نجمة ً في الأفق ِ لاحت
وأشكو في الهوى سراً دفينا
.
أحبك يا معذبتي بقلبٍ
يُصيّرُ كل حادثةٍ حنينا
.
أحبك والغرامُ يهدّ حيلي
وما زال الهوى عندي مكينا
. .
.
ــــــــــــــــــــــــــــــ ـــــــــــــــ
ــــــــــــــــــــــــــــــ ـــــــــــــــ
جنوبيات :
. .
.
مسيّرة جنوبية :
.
يا بومتعب يا حبيب الشعب جعله ما يجيك الباسْ
يا عطوفْ ويا رحومْ ويا عظيم المقدرة والباس ِ
يا من الشعب بزمانه ودّع ايام الشقا والبوسْ
من هو اللي بالتواضع مثل ابومتعب لكل الناسْ
لين صار الحب له في كل قلبٍ من قلوب الناس ِ
الصغير مع الكبير الكل في عهده غدا مانوسْ
السياسة ما تجي الا في القلوب الواعية والروسْ
وان ابومتعب بحكمه من صليبين الحِكَم والروس ِ
كلمته تهتز منها دولة امريكة وروسية
. .
.
ـــــــــــــ
مجالسي :
. .
.
البدع :
.
قد قلت لك لاتزعلني فلا عاد بارضى
سامحتك البارحة وقلت هرج المسا . . فات
لكن ياللاسف ما فاد فيك المسامح
ومادام هذي طبوعك كل يوم ٍ بتخطي
ما عاد انا باتحمل من جنابك خطاوي
.
الرد :
.
يا اللي تظن ان عرشك فوق تراك بارضا
بينك وبين الذي تامله طول المسافات
ودرب العواجة ترى ماهو بمثل المسامح
لاصارت الرجل في كل الطرايق بتخطي
ما عاد للعقل حكم ٍ في مسير الخطاوي
. .
.
ـــــــــــــ
لعب جنوبي :
. .
.
البدع :
.
حسبي الله على دنياي ما جت عالشفايف
الله كم تغدر الايام وانا موتمنها
.
الرد :
.
ليت من قبّـلك يا روح روحي عالشفايف
يا الذي تبدي الصدات وانا اموت منها
. .
.
انتهت
ــــــــــــــــــــــــــــــ ــــــــــــــــــــــــــــــ ـ
. . .
. .
.
كل ما سبق من إعداد وأشعار /
راجي الوصل .