يرتآح ما غيره ملآ عين هآويه .. غلآه نهر النّيل و القلب مجـرى ..

ما كنـّي اعرفـه ولا كنـّي ابغيـه
وانا عليه من امّه احـّب واجـرى



ياكثرهـا تسليمـة(ن) يـوم الاقـيـه
لي عين تكتب له وله عين تقـرى



وإن حلّ طاريـه تجاهلـت طاريـه
ماكنّي ادري عنه وانـا بـه ادرى



بسكات يغليني وانـا حيـل مغليـه
لا تيلفـون ولا مواعيـد غــدرى


يصون ودّي عن عذوله واحاميه
وانا عليه احجا من القلب واذرى



حبّ(ن) عفيف(ن) والصراحه سواقيه
في وقتنا ماظنتي زاد يطرى



لا اسولـف بحبـّه ولانـي بكانيـه
وغيري لو انّه يوالفه كـان هـذرى



احشم قريبه حشمـة(ن) لـه واداريـه
واخشا يجي في خاطره شي وادرى



ليت الزمن يرجع وانا اعلمـه ليـه
ولا الحظوظ من المقابيـل تشـرى


قولوا له اني مارتضي بالبـدل فيـه
لا مال قارون(ن) ولاعرش كسـرى



يرتاح .. ماغيره مـلآ عيـن هاويـه
غلاه نهر النيـل والقلـب مجـرى



واكبر دليل اني اليا غـاب احاتيـه
كم ليلة(ن) ماتت على كـف مسـرى



وان قالوا انه شرق وازريت لا اجيه
وجهت وجهي كل ما نمـت حـدرى

الشاعر / محمد بن فطيس المرّي