مــرســوم يقضي بموجبـه: إنتمــــــــــــ لهـم ـــــائي..!

...
..

يسعدني ويشرفني
أن أضع ,
لقلوبكم الطاهره
هذة الباذخة
وأنا
أتساما فخراً وإعتزازاً وإنتماءٍ
لقبيلة البقوم

التي إستطاعات أن تخلد تاريخاً حافل بالأنجازات
يتذاكرةُ الرواة في الأدب العربي

وتميزت من بين رفاقها من القبائل العربية الأصيلة



...
..














يا بو نمر .. جتك البقوم إمرَوّحه يا بو نمر
الطيب يرفعهم سما ـ والموجبات تْسوقهم

وإن قلت طيبك خصّهم ـ طيبك على القاصي غمر
وإن قلت فضلك عمّهم ـ لا والله إلا (إحقوقهم )


المال : لا ماظهر العلم السَنَع ما له ثمر
يوم العرب ضاعت صراير مالهم .. في سوقهم!!


شفت الصخا ما بين، ذبح الحيل , ودْلال , وتمر
وربعٍ تقابلْك بقبول : ومرحبا منطوقهم


في ليلةٍ مدري دفاها من( مشاهيب السمر )..
وألا حرارتها تزايد : من حرارة شوقهم!!!


ذولا, هل الطالات بيض اوجيه : والموت الحمر!!
في ذمتي ما فيه شيٍ في الحياه إيعوقهم


عون الضعيف وسِقْم زيزومٍ مْن النعمة زمر
فالأرض ما نلقى إرجالٍ بالفعول .. إتفوقهم


من حبّهم للمرجلة .. ما كنّ هالدنيا .. ممر!
ولولا الله اللي فوقهم .. لـ أقول محدٍ فوقهم!!


كم من عدوٍّ من مهابتهم تعثّر .. وإندمر
وكم من عدوٍّ خلّدو ذكره ! بفعل إطقوقهم


لو كان لـ اْطوال اليماني حق في طول العمر
ما عاش ناس إيدينهم , ما غير , دون إحلوقهم


ومن يذكرون إسهيل .. والشمس أنكروها والقمر
يالله عسى ما حاق ناس مْن الحياه إيحوقهم


ما اقول عثمان وْعلي .. فيهم .. وأبو بكْر وعمر
لو نورهم مكرم اوجيه وصدقهم: فاروقهم


{ تاريخهم ما ينمحي .. والطيب معهم مستمر
كنّ إكتساب الطيب أمانه .. عِلّقت فـ إعنوقهم }


واليوم : معطين (الولا والعهد) لوْلاة الأمر
بالمعرفة .. واقوى الوثوق مجوّدين إوثوقهم


حكّامنا اللي تهْدم اصروح الجهاله .. واتْعمر
علمٍ يصحّي من نوى يغتابهم ويبوقهم


وأنا .. ليا صدّر كلامي .. كنّ فـ أعماقي جمر
أفرح بشوف الطيّبين .. اللي ثْبوت إعروقهم


جو .. معلنين (الفوز بالنوماس) يوم الله أمر
ما همّهم لو كان فالمحفل ما فازت نوقهم!!


ما أمدح إربوعي .. مرتجي مليون .. وأدوّر هَمَر !!
هذي قصيدة ( كنّها مليووووون) في صندوقهم!!!






إحترآمي
خالد البقمي
(: