كسوف الليــالي !!

يا هاجســي وشله مقابيل الاحزان
وشله تذكـــــرني كسـوف الليالي

من عقب قفى علم الشوق خسران
لا عاد يطري حب من راح سالي

لو كان يغلينــــي وقطـاع الايــمان
ما كان روح يوم وارخص وصالي

انا عطيته والعــطا ما هو بحسان
انا عطيتــــه قلــب هو راس مالي

وانا وفيــت لحب من باب الانسان
يوفي لحــبه يوم هالحـب غالــــــي

وانا رويــته يوم خابـــره ضـمـيان
سقيته من الـــروح عـــذب الزلالي

كنت احســــبه مثلــي يبادلني الشان
يطرد لي احزاني وينـــــعش خيالي

واثــــــره كما صوره تعلق بجدران
صوره جمــــــيله لكن الجوف خالي

انشــــــهد انها سارقـه القلب بتقـــان
شيطـــــــانهــا غـاوي وزاده جمالي

جتني تقول خســـــرتني بكل حقران
روح ولا ظـــــني بتطــــري ببــالي

كل سبايب حكــوه وزلــــــت لـــسان
عبر الرســـايل ما هـــــي بالاتصـالي

راحت وجرح القلب لا شــــك ما بان
اخفيته بصـــدري وعزيتــــ فالــــــي

يا وقــت علمها ترى العلـــــم سلطان
منهم شيوخ القوم واهـــل الفعـــــالي

يا وقت ذوقها طعم كـــاس الاحـزان
حتى تشـــوف من الغـــلا ما جرالــي

يا وقت كبوتهــا ما هي كبـــوة حصان
لا واللـــه الا زود كبـــــر وتعــالي

ثــم بلغ المــزيون ما عدت طـــربان
قفلـــت باب للهــــــــــوى من شمالي

صحيت من غفوة هلا الكهف يا فلان
والضيــــم ينقضـــني ويفتل حبــالي

واليــوم ما نشريـــك لو كان ما كان
من يرخـــص الغـــالين ماله مجالي

من قال خوة رجل مكسب وتجــران
وخوة النســـوان نقــــص الريــالي

انشهد انه يا عــــرب هو كحيـــــلان
وانشهد انه من جـــــميل الــــمثالي

هذي مشاعرنا تمـــاثيل شيــــــطان
والله ما منها مكــــاسيب جـــــالي

الا بشــرع اللي كريم بالاحــــسان
سبحانـــه المعبــود رب الجــلالي

خذها نصيـــحه من مجرب ورويان
يا كـــم ذاق المـــــر ما ذاق حــالي