حب(ن)مع صـد

العمر فاني والمراجل لها عَد=لا لا يفوتك شي فيما نويته
يالعامل إللي بين الاحباب ترتد=شلي يردك عن مقام(ن)خذيته؟
كان الوفاء بقلوب الاحباب له حـد!=اعطي وفاء قلبي لعمر(ن)قضيتـه
وكان المشاعر ترتجف لا اقبل الكد=ابيع ماضي عمري اللـي شريته
افوق لا من عمت عالجذر والمـد=وانهي خصام العمر وابيع صيتـه
اعيش انا فرحـان والعمـر يمتـد=وانهي جروح القلب ولا عصيتـه
مايجتمع بالقلب حب(ن)مع صـد=الصدق صدق ومن هواني هويتـه
دام المشاعر أصبحت لعبة الرد=من عِد وإعدادي شعور(ن) نويته
ياخاطري لايتعبك مُجمل العد=ناس(ن) تروح وغيرها القلب بيته

مكتوبه عندي من 3 سنوات
وما تم نشرها اتمنى تروق للجميع