قامت اشواقي !!

قامت اشواقي تنادي وتسرح بالخيال
وهاجسي لامن طرى ذكرها يغشى عليه

من حلاها قالت الشمس فزعه يا هلال
ما ابي حر الظهيره تلامس وجنتيه

ومن دلعها كل ليله نشـــاهد كرنفال
كل نجمه في سمانا تقدم اوبريه

ولا نسيت الورد ميز خطاها والجمال
تفرح الورده بشوفه ودعست قادميه

والهوا والطير غنــالها يا ليل لال
والنخيل تساقط تمور قهوته بيديه

فتنة اللي مالقى فتنته صد وتعال
ما يفاخر في ذنوبه وفي حكيه وجيه

كاس عشقه ما رويته ولو حد الثمال
يفقد العقل بشعوره وحبه يحتميه

يا وجودي وجد ماله شبيه ولا مثال
وجد من يكبح جنونه وطاريها يهذيه

كل ما لاحت هبوبه وجتني من شمال
قامت دموعي تناشد وليفي ليه ليه

ليه يا غالي تفارق ومثلك راس مال
لو خسرته كيف بحيا وعمري ما ابيه

لا تشح بوصل خلك وتحرمه الزلال
قبلة من فيك تشفيبها حاله وفيه