!! وادي البــوح !!

يامـن يراعينـي بعينـه وأراعـيـه
بعيون قلبي كـلَّ مـا لاح زولـه
يفـزّ قلبـي لاتـبـدّت مـواريـه
وأغض عنه الطَّرف والنَّـاس حولـه

أقعد معه في النَّاس ما أقـدر أحاكيـه
أخشى لِسانـي يختلـف فـي مقولـه
يغلي الحكي في خاطري ما أقدر أحكيه
يصرخ بصدري صمت قد طال طوله

أسرح بفكري لاجرى طـاريٍ فيـه
لا أقدر أرد الهرج ولا أقـدر أقولـه
ولا أقدر أفيَّض سر قلبي ولا أخفيـه
ولا أقدر أداري لـه جـروح عليلـه

يامـن ينادينـي بقلـبـه وأنـاديـه
يامـودعٍ ليـلِي ليـالٍ طويـلـه
ينسى الغفى عيني إذا جيـت باغيـه
يامن يلوم الَّلـي خـلا مـن خليلـه