حدوني على صدر الغمارة وانابغي فوق

سلام عليكم الله يعطيكم العافية جميع

هــذ الشطر من البيت{حدوني على صدر الغمارة وانابغي فوق } سمعته مع مراجع اليوم في الصيدلية
والرجال كبير سن لكن الله العالم وش غير عليه هههههه
وعلى قوقل وماقصر

اناهاضني لين اودع القلب فيـة افتـوق
خلـوج ولدهـا عقـب فرقـاه مختلـة

بعد هاضني لعب الحمامة على الغرنوق
على كل غصن ترفع الصـوت وتشلـة

ويازوع قلبي زوع طير طليق سبـوق
شهر في خضيرا الجو يكفخ وراء ظلة

حدوني على صدر الغمارة وانابغي فوق
ابي مقدم الصنـدوق ولا علـى السلـة

ولا صبو الفنجان الاول مبي لـة ذوق
ابي ثاني الفنجال مـن صافـي الدلـة

اقلط على الضيفةوانابغي مع المفهـوق
وبي قسمي من باخس هل البيت يفطن لة

معي دفتر الرخصة ونا ما عرفت اسوق
ولا جيت بشري موتـر مـا ورد كلـة

هني واحد ماهوب عاشق و لا معشوق
لا يشحنة فرقا و لا البعـد عـن خلـة

وانا لا تذكرتة يهايف بـي الطـاروق
جبرني على الروحات صوبة و انا دله

ارجو ان تنال استحسانكم الكريم