شباب في المطبخ

اممممممم : ورطتنا يا سعادة المهندس الله يسعدك
هههه توكنا على الله ...

س /1 هل جربت وقمت بأعداد وجبة صغيره؟
ما اتوقع فيه عزوبي ما جرب الطبخ

س /2 هل تشعر بالنقص وانت تقوم بذالك او الحرج؟
لا والله ما اشعر لا بنقص ولا زود ..ولا احراج ولا ما يحزنون ...

س/3 كيف تشعر وانت تأكل من عمل يدك ؟
إذا طلعت زينه اكيد شعور جميل وإذا العكس نأكل ساكتين هههه..

س/4 وماهي الوجبة الي تتقنها ومحد قدك فيها ؟
الشوي اكثر شيء اجيده بالذات في الطلعات وبعده والمضغوط ..!!

س/5 هل حدث لكـ موقف وأنت بالمطبخ؟
ايام العزوبه يا كثر المواقف .. بس اذكر مره جانا شباب وصرنا كلنا نطبخ حنا الثلاثه الأساسين في العزبه وكل واحد يخبص من عنده وفيه براد كان مجهز للشاهي وحطينا فيه السكر قام واحد من وزود على الكبسه من نفس براد الشاهي .. وبعد ما قدمنا
العشاء وإذا كل واحد يتطعم ( ويلحس شدوقه ) ويقول فيه شيء غرب لكن ما طول الأمر اكتشفنا أن الكبسه طلعت حاليه مره ههههه

س6/ متى كآنت آول تجـربه لك في المطبخ ؟

والله ما اذكرها تحديدا بس اتوقع في الديره أيام الطلعات مع شباب قريتنا الله يسقي ذيك الأيام ..

س7/ من وجه نظـرك هـل الطبخ يختص بآلمـرأه فقط آم آنه لـِ
كلآ الجنسيـن؟
من وجهة نظري الطلعات مفروض تكون على الرجال لأن المرأه صعب تتحرك بحريه .وفيه بعض الناس الله يهديه ما يريحهم حتى في البر.
أما في البيت اترك الخبر لخبازه ...

س8/طبخـه آو أكـله لآتستغنـي عنهآ؟
من تذوق مضغوط عقبة ضلاع ما اتوقع يستغني عنها ....
هههههههه

س9/ آكله تشتهيهآ آلِآن؟
ما تغديت والعشاء كبسه وهي اللي انتظرها وبالتأكيد اشتهيها الأن ...

س10/ آذكـر آخـر طبخـه طبختهآ ؟

الخميس اللي فات ما كانت طبخه كان شوي ...
الطبخه والله ما اذكر ..

ما اعرف بصراحه الأخوان من الأعضاء اللي ما بعد شاركوا ..
اتمنى من صاحبه الموضوع الاختيار نيابه عني ...

اشكر الجميع وبالهناء والعافيه ...