(كــذب , الكــلام ) ..!

..
.











جيتني ، والحب ما يعني .. ( كلام )
.......... كيف مدري ! اللي أدري ، جيتني

جيتني والوقت مملّي بـ الزحام ،
.......... خذتني من دنيّتي .... و ودّيتني


وين ؟ يمكن لـّ سواليف الغرام
.......... ليتني ما رحت ولاّ .. ليتني :


كنت ساهي ، لا مشاريه وملام
.......... وما أحسّ بشيّ ـ لا ناديتني !


إيه خايف لا يموت( الإحترام ) ،
.......... وكنت خايف لين ـ ما وصّيتني

إني أرحل ، مثل ما راح الحمام
.......... واضح إنك من زمن ، ملّيتني !


مو حرام أعطيك نبضات ! الحرام :
.......... إني أعطي ، وإنت ما أعطيتني !


كيف أصدّق كل هالعالم ؟ مدام :
.......... كنت أصدّق ـ لين ما خلّيتني


من عيونك بان كل ( كذب الكلام )،
.......... قلت : أحبّك ! وإنت .. ما حبّيتني


(: