أنــــا قــــــررت..!!

أنا قررت ما عـاد أكتب بالخيال

أنا قررت أكتب بالحقيقة

يوم أمس كان بي من الضيم حال

ومر من قدامي العمر كلّه في دقيقة



تذكرت الليالي والأيام المديدة

تذكرت غلطاتي وزلاتي وتمنيت أظفر بتوبه



والدما في عروقي باردة

والدموع مزون هاربة


كني بأترك الدنيا وأروح ,, وين أروح؟؟

ويوم الدين في عـيني حساب وجنة ونار تفوح


والصحايف تنعـرض هذا لحتفه.. وهذا واقف(ن) يم النعيم..

والصراط اللي عـلى متنه نجاة الفالح..وبعـده تلابيب الجحيم..


نسيت أني كنت في يوم طبيب

ولا درست حتى .. ولا كنت أنا طالب نجيب


نسيت ان عندي أهل وأصحاب وأحباب كثير

نسيت كل مافي الكون كلّه,, ولا فكرت غير في يوم عسير


لكن والذي نجاني من أسباب المنيّة

وكون الأفلاك وسبع السموات العـليّة


ماغاب عن خاطري صوتك أنتي ياوفيـــــــــــّـــة

يارحيل العمر فيني , يا ابتسامـات نـــديــــــــــّـة



تخيلت طيفك مقبل(ن) يمي يسارع

ويقترب مني ينسيني المواجع


صدقيني كل ما جاء واحد.. قلت: جيتي يافـلا نــة؟؟

ما سمعت الا صدى صوتي يقولجيتي يافـلا نــة)


كنت أتمنى وقتها لو ربي ألحقني بداره

تكوني آخر من يحتضن روحي ويعـطيها البشارة



وتمنيت أشوفك وانظر بعينك وأبكي

وأحتسي من شرق نورك قبل يظلم عـليّ القبر وحدي


وتمنيت لو يدفوني في خميلة وسط دارك

في حجرتك بين كرسيّك وتحت أسفل جدارك


كان كل ما قمتي عليّ تصبحين وتعـطيني تحيّة

وكل مارحتي وجيتي يظل قبري لك مطيّة




وأظل حولك ياغــرامي ياهـيامي يابعـد كل الأماني..



أنا وش جابني في ديرة عن ديرة أحبابي بعيدة

هو نصيبي ؟؟ ولا عذاب الحب ما أقوى لهيبه؟



الله لوتدرين بالوحدة .. وتعب قلب جريح

وليالي طولها مثل بحر(ن) مايبح


واحساس طفل(ن) باكي(ن) مـ..اليتم,, ولا لقي له من يجيب

ومشاعـر شاعـر(ن) طامع(ن) بك,, ولا بغى غـيرك حبيب


آآآآآآآه لوتدرين ياكثر هو هايم(ن) بك

والـه(ن) بك

ميـت(ن) بك



كيف يصبر ؟؟ والله لوكان قلبه من حديد

كان انصهر من نار حبك ..ياذلك الفجر البعـيد.