ًٍ ًٍ ًٍ ًٍ ًٍالْـًٍـًٍـًٍمَـًٍـًٍـًٍـًٍدْفُـًٍـًٍـًٍـًٍوٌنّْ ًًٍٍ ًٍ ًًًٍٍٍ ًٍ

السسسلام عليكم

من زمان عن قسم المطبخ

اليوم عازمتكم على مدفونٍ تحبه قلوبكم ..

و الله يحييكم على قلِّ الكلافه ..

اول شي المقادير :

دجاج او لحم مقطع و منظف ..
رز بسمتي حبه طويله منقوع في مويه ..
بصل مقطع شرايح ..
بطاطس مقطع شرايح ..
فلفل رومي مقطع شرايح ..

بهارات مشكله ..
ملح ..
مكعبين ماجي ..
فلفل اسود مطحون ..
كركم بودره ..
بهارات الكاري ..

الطريقه :

تصبين شوي زيت في قدر الضغط و ترصين البصل و البطاطس و الفلفل الرومي .

تاخذين الدجاج او اللحم و تدهنينه بزيت و تفركينه بالبهارات و الملح و الماجي و الفلفل الاسود المطحون
و الكركم و الكاري تفركينه جيدا و تضعينه في القدر على الخضروات اللي حطيناها قبل شوي ..

تغطين القدر و تضعين المشّر و تضعينه على نار عاليه لمدة عشر دقايق الى ربع ساعه ..

بهالاثناء تسلقين الرز في ماء مملح و شوي زيت و كم حبة هيل نص سلقه فقط و تصفينه من الماء ..

بعد مرور العشر دقايق او الربع ساعه تطفين على القدر و تحطين الرز و تحطين عليه لون زعفران ..

و تغطين القدر و تحطين المشّر مره ثانيه و تحطينه على نار هاديه جدا لمدة عشر دقايق اخرى ..

بعد مرور الوقت المحدد تطفين النار و تفتحين الغطى و حركي الرز شوي بس و جهزي المدفون في صحن التقديم او التبسي ..

و زينيه كما تحبين و قدميه و الف هنا و عافيه