مجررررد ملاحظه..

السلام عليكم ورحمة الله وبركاته..
وصباح/مساء الخير على الجميع,,

ممكن سبق وتكلمتوا في موضوعي هذا وممكن لا..ممكن يكون له أهميه وممكن لا,,
حبيت أطرحه وأشوف ردودكم لا اقل ولا أكثر لأنني بصراحه متحمس للردود وش بتكون والا غير كذا ماراح نقدر نغيير حاجه,,


أنا كنت احكي لبعض الأصدقاء والاهل وماكنت الاقي الا احتقارهم للموضوع,,,

الموضوع عباره عن نقطتين فيها نوع من الشبه من ملاحظتي الخاصه وأكيد لاحظتوها..

النقطةالأولى:

كثير مانروح للمطاعم لتناول الوجبات وخاصة الشباب او العزوبيين..اذا كانو اثنين او ثلاثه مو هنا المشكله..انا أقصد اذا راح واحد لحاله واخذ الطلب وجلس على الطاوله لحاله أوفي الجلسات الشعبيه الأرضيه المخصصه..
كثير أشوفها وأنا على سبيل المثال كثير أروح المطاعم ومره أربعه وأنا خامسهم كللل واحد لحاله..
صح صعبه مانعرف بعض ونجلس سوا بس حسيت ان فيه حاجه غلط وبصفتنا مسلمين المفروض ناكل مع بعضنا او عالاقل كل اثنين سوا,,وكل واحد يناظر الثاني وكأنه يسوي حاجه غلط..وأصلا كل واحد لحاله منظره مو حلوو,,اعذروني يعني يجلس كل واحد ومعاه شيطان احسن..

النقطة الثانيه:

كثير مانشوف في مباريات كرة القدم الفرق بين روؤساء أنديتنا في السعوديه وبين رؤساء الأنديه في اوربا ومثلا اسبانيا..
رؤسانا المسلمين الموالين لبعضهم والمحبين لبعض الي عندهم عادات وتقاليد وقيم وقبلها عندهم دين الإسلام تشوف كل رئيس لحاله بعييييييد كل البعد عن الرئيس الثاني وكأن بينهم عداوه وفي اسبانيا مهما كانت المنافسه والتحدي وخلونا نقول العداوه بين الناديين الا ان الرئيسين جالسين مع بعض ويحيوون بعض بعد نهاية المباره,,طييب ليييه كذا ..حتى الكوره تفرقنا؟؟
يعني حتى بالرياضه مانتفق,,

ـ اعذروني بس شي بخاطري وحبيت اطلعه مع اني حاس مو مستاهل اني اقوله
ـ سبق وقلت ممكن هالنقطتين مالها أهميه واعذروني ممكن الصياغه مو وافيه
وبانتظار تعليقاتكم,,

تحياتي للجميع,,,