خليه هام السحب ياعمرويّه

أخواني الأعضاء
السلام عليكم ورحمة الله وبركاته
الحقيقة ما دعاني إلى كتابة هذه القصيدة هو وجود طلب بهذا الخصوص
وفي نفس الوقت نبغى نرضي مشرفين القسم، يعني مثل مايقولون حج في حاجه
وانا تروني لازلت عليمي في الشعر فعاد اقبلوها ولا احذفوها الله رشدكم

يابنتنا إن كانك تبي ترفعي الراس= ونعطيك في التقييم ميّه لميّه
قدامك اشروط ومعايير وقياس = ومن دونها لن نحسبك عمرويّه
لابد يكون الدين لك عز وأساس = والعقل لك زينه وحُسن ورويّه
والطُهر والعفة لكي ستر والباس = وفيك الحياء بارز وزايد شويّه
وسمعتك تلمع دائما مثل للماس = وأغلا من الياقوت ما دمتي حيّه
ولايصحبك من صار في درب الأدناس = ولا يخدعك حلو الكلام وزكيّه
ولتعلمي أن الله لكي خير حرّاس= فلتزمي إبشرعه وسنة نبيّه
وان كان ضرك ضير من أحدا الأنجاس= فحنا لكي حصنن منيع وحميّه
يخس وعزالله أن كرامته تنداس = ولأعاش من ينوي لك بسوء نيّه
وبني عمرو من سالف العهد فرّاس = ياكم عدو غرّقوه ابدميّه
وأفعالنا دايم تسولف بها الناس = وشهدت لنا إبها الدولة العثمانيّه
واسم القبيله حوله الوضع حساس = فخليه هام السحب ياعمرويّه

وسلامتكم جميعاً