أسقه بوصلك تراها جفت أزهاره

الوقت يمضي والزمن يدفن أيامه= والعمر يجري مع المكتوب وأقداره
أسري وراء طيف أمانيه وأحلامه=وأصبر على مر الزمن لو هب بغبارة
رضيت بالمكتوب وما خطت أقلامه=والنفس ما هي لطيب العيش مختارة
أعيش وقتي ناسي كل آلآمه=حطيت همي بقلب يحفظ أسراره
زمانك أن ضاق أو جارت أحكامه= لو هب عج البر بتهل أمطاره
يا صاحبي بانشدك عن خلي وأيامه= وسألك عن حاله وانشدك عن داره
تحملت منه الحب يا صاح وسهامه= طال الهجر والبعد وطالت أسفاره
يذكرك قلبي في الصحو ومنامه= شغلت فكره طوال الليل ونهاره
جمعت كل الزين أوله وختامه= فـتـنت كل الناس بعيون غداره
يعجز لساني عن التعبير بكلامه= كل المعاني في الأوصاف محتاره
شوقي مع الفجر يرسلك أنسامه= غنى مع الطير في غصنه وأوكاره
رد التحية ورد الشوق وسلامه= يا ما حلا الصوت في نغمة أوتاره
زرعت حبك بقلب تعزف أنغامه= أسقه بوصلك تراها جفت أزهاره
وان زاد بطعونه وزاد بإجرامه= الوقت يمضي والايام دواره