قصيده ابن جدلان لسعودية

يالله يلي ليا ضاقوا عبيدك دعـوك
تعينني يامـعين ولا تخيب أتعبي

سلام باسم السعودية بلاد المـلوك
مهابط الوحي والكـعبة وبيت النبي

يامحمد الاحمد الله يرحم أمك وأبــوك
ويسكنك في النـعيم الخالد الغيهبي

حطيت لشعر حقً مثل حق الصكـوك
سيف العرب يستلمه الشاعر اليعربي

والجايزة دونها زملً تصول وتصـوك
الكل منها يبيها دســمة مثل مانبي

أبطال غزوة بدر وأبطال غزوة تبـوك
تبغى الفخر زحف والا مشي والا حبي

ونا زحمت الجمال الواقفة والبــروك
لعيونكم يعيال ســيف بن تغلبي

الحاجة اللي تبرطم بالحجاج الضحوك
يقلط لها شايبً عند المـلاقا صبي

يا غازي أما خذيت الناس والا خذوك
الدعم بشنابكم والجايـزة بشنبي

من شأن لا قالوا الشعارلا فض فـوك
أقول هذا حـلالي وله جدي وأبي

والله ماهني رصيد اسويسرا بالبنـوك
مادام مافيه على وجــه التراب أكلبي