{. . لحـد يحـاكيـنـي تـرى الـخاطـر اقصـاه . .}

لحـد يحـاكيـنـي تـرى الـخاطـر اقصـاه
والـدمـع ياقـلب الـعنــأ مـايـطـيـبـــك

حتى لو ابكي وش ورى دمعي وماه
ويـلـي على ادري ويـش قلبي يبيبـك

تــطـري عـلـي والـقـلـب مـجـاه كـفـاه
غــايــب ولاكـن غـيـبــتـك مـاتـغــيـبــك

خــذيــت تــلـفـونـي الـقــديـم اتـقـراه
ليـن فـاحـت شــاشـتـه ريــح طــيــبــك

رقمـك ومـسجـاتـك وصـوتـك وطـريـاه
كـن الـطـيـوف قـبـال عيـنـي تجـيـبـك

لابـوك يـالــتـلــفــون مــأتـسـمــع الاه
في ذمـتـك انـك صـدق ضـيعـتـنـي بـك

مـتـعــوس الـخـاطـر ويــاقـلــب ويــلاه
مـاقـد ذبـحـنـي الا سكـوتـك وطـيـبـك

ولا انت يـالاهـي ولا ادري وش الهـاه
طـف بـوصـالـك مـابـقـى مـن لـهيــبـك

يـاحــبـك لـقـطــع الـمـواصــيـل حــبـاه
قـطـعـت قـلـبـي مـنـك لاقـطـع صيبـك

وسويت فـي الـي سـواتـك مـاسـواه
اتـحـمـلـك مـهـمـا جـرى وارتــضــيـبـك

يـاذابـحـي يـصـبــر ذا الـقـلـب صـبـراه
ذبـحـتـه بـكـفــك وهـو مـلـتـجــي بـك

بـــتــروح روح ودربــــك الله يــــرعـــاه
لـو ابغى اجيبك اعـرف شلون اجيبـك

دربـي تـرى الـدنيـا ومــثلـي متـلـقـاه
تـبطـي عـظـم مـاشفــت زول يـذيـبـك

حض الهوى الي تعيش به بس حضاه
لانـه الـوحـيـد الـي قـدر يـخـتـلـي بـك

ادرى عـنـك مـن الـهـوى واتــحــشــاه
واروف بك واهيم بك واعتني بك

لانك سحاوي والسحـا يكسر جباه
وشلون ماتبغي الهواء يستحي بك

عـيـبـي احــبـك لـو غــرامـك مـعــانـاه
وانـت الـغـيـاب الـي بــلا عـذر عـيـبــك

اضـيــق مـن جـــفــواك واجــرهــا آآآه
اخــاف مـن غــدر الـزمـان يــغــدي بـك

لـو انك تـدري خـاطـري عـقـبـك شجـاه؟
يـمـكــن تـنـوح الـلـيـل وتـطــر جــيـبــك

أشره على الـحـب الـي اعـطيـتك ايـاه
مـلـعــون حـظ حـط حـبـي نــصــيـــبــك

هـمـلـتـنـي بــيــن الأمـل والـمـحــاتـاه
مــدري عـــدوك صــرت ولا حـــبــيــبــك



مودتي