~**عاقل وماله قصيد**~

مساء الخير للجميع ..
عاقل وماله قصيد

كانـَها للشعر تقرا .. علّمـوها إني شاعـر

وكانـَها ماتلتفت له .. لاحشا مالي قصيـد
***
ما أنامه .. لأ أنامه .. وش تبي هي بس تامر

علّموها من سببها صرت مغرور و عنيـد
***

علّمـوها تحتريني غصْب عن كلّ النّـوابر

بآصل اعيوني وعيـني بين ظلعي والوريـد
***

والخفوق اللي أشيله داخل احداقي يسافـر

بالنظر لحدود ( مدري ) بس في ظني تفيد
***

حبّـها تكفون فيني من صغر سنّي وعامـر

لين اموت ابوسط قبري حبّـها فيني يزيد
***

حبّـها كـافر وربّي .. حبّـها جاني ودآمر

ثمْ باني .. ثمْ دامر .. ثمْ باني من جـديـد
***

رغم هذا ماظلمـني .. يابخَت قلبي وباكـر

ما أبي (جنبي) سـواها لو على كرسي حديد
***

والذي رافـع سمانا .. كم تعكّرني عواكـر

لكن اللي مايعـاني مايحـس انه سعيـد
***

كيفها ؟؟ شاخبارها ؟؟ .. يابعد كل الخواطر

ظنّكم مثلي تمنّى؟؟ أيش ؟؟ ايه ادري اكيد!
***

إسمعوا تـدرون قولوا : عاشقك مجنون شاعر

وكانها عـقــْـدت وضاقت : عاقل وماله قصيد
ــــــــــــــــــــــــــــــــــــــــــــــــــ ـــــــــــــــــــــــــــــــــ
ــــــــــــــــــــــــــــــــــــــــــــــــــ ــــــــــــ
ـــــــــــــــــــــــــــــــــ
ـــــــ
ــ


منقول
وسلامتكم