ضاقت الدنيابعيني ونت غآيب..

ضاقت الدنيا بعيني وانت غايب..
ودمعتي جفَّت على فراقك وذبت..

والسنين السود زادت بالمصايب..
وانت اشوفك في حزن صوتي طربت..


يامهاجر اسألك ويش السبايب..؟
وشهو عذرك لاسألتك ليش غبت؟


كان هي غلطتي فـالحين تايب..
بعدك القاسي برى حالي وتبت..


ماقدرت انسى وقلبي فيك ذايب..
وصرختي كانت من اعماقي"تعبت"


من سنيني من جروحي والنوايب..
شاخ قلبي للاسف فيني وشبت..


وش بقى ياكود حلم ومات خايب!
وبِذر جرحـ(ن) داخلي نابتـ(ن) نبت..


امطرت عيني من احزاني سحايب..
والحنين يزيد بالمجروح..كبت..


وشهي الحيلة اذا هبت هبايب..
ذكريات الحب وال جرحي ألهبت,,


شوفني من غبت في الاوهام غايب..
(ياكبر ذنبـ(ن) على القلب ارتكبت)..

اسألك بالله يا اغلى الحبايب..
وشهو عذرك لانشدتك ليش غبت؟؟